كلمة فى بحر الكلام والحرف فيها موجة
والموجة بقت أمواج والكلمة بقت حدوتة
فى ليلنا بنحكيها وفى نهارنا بنكملها
ولو زعلتنى فى لحظة بتمحى زعلى بضحكة
والضحكة منها نغم والنغمة منها دقة
دقة بتدق قلبى وقلبى فى لحظة بينسى
إنه كان زعلان
حدوتة... بدايتها صدفة
والصدفة.. أساسها نظرة
والنظرة منها حكاية حكاها قلبى ليها
وقلبها سمعها منى وابتدت الحدوتة بكلمة
على اسمى واسمها وأول حرف منها
كان موجة فى بحر قلبى وأول حرف منى
كان هو شاطئ عيونها
والموجة بقت أمواج
والكلمة بقت حدوتة
محمو
ورقة وقلم
مشاركة
اضف تعليقاً واقرأ تعليقات القراء
مشاركة