"أنا مش المتهم الرئيسى وكل ما حصلت عليه 200 ألف جنيه والمفروض تحاسبوا تاجر التحف لأنه باع الحاجة بـ4 ملايين جنيه وهو اللى غوانى"
كانت هذه كلمات حارس الفيلا، المتهم بمساعدة تاجر تحف لسرقة مقتنيات الفيلا، التى يعمل حارسًا لها خلال فترة تغيب صاحبتها وإقامتها فى القاهرة.
وقال الحارس: "البداية كانت سرقة لوحة واحدة، ولكن الطمع كان وحش وفضلنا نسرق لوحة ورا الثانية لحد ما خلصنا على كل حاجة فى الفيلا، بعدها قررت أمشى وأسيب الفيلا واتصلت على صاحبتها وقلتلها لقيت شغل تانى وسامحينى".
كانت مباحث الإسكندرية، برئاسة العميد شريف عبد الحميد، مدير إدارة البحث الجنائى، بالتنسيق مع فرع الأمن العام لمكافحة جرائم سرقات المساكن، نجحت فى إلقاء القبض على مرتكبى واقعة سرقة فيلا سيدة بمنطقة بيانكى غرب الإسكندرية.
تلقى اللواء محمد الشرقاوى، مساعد وزير الداخلية لأمن الإسكندرية، معلومات أكدتها التحريات السرية التى قام بها المقدم وليد إبراهيم والمقدم ياسر سرى، والرائد مصطفى هدية والرائد طارق الشناوى إلى قيام كل من عبد اللاه ع ا مواليد 1956 خفير، ومقيم الحدين- كوم حمادة- البحيرة، وكمال .ك.خ مواليد 1969 تاجر تحف ومقيم 5 شارع عبد الرازق- العطارين بارتكاب واقعة سرقة فيلا ميرفت أحمد 77 سنة بالمعاش بمنطقة بيانكى والاستيلاء على مقتنياتها عبارة عن مجموعة كبيرة التحف والانتيكات والمقتنيات الأثرية قدرت قيمتها بأربعة ملايين جنيه.
عقب تقنين الإجراءات تم ضبطهما اعترف الأول بقيامه بسرقة مقتنيات الفيلا أثناء حراسته لها وقيام المتهم الثانى بالتصرف فى المسروقات لدى عملائه من راغبى اقتناء التحف والأنتيكات، وبإرشادهما تم ضبط المسروقات وهى عبارة عن "عدد " 2 " بجعة نحاس – 4 فانوس يعمل بالزيت – 6 نجفة معدنية ونحاسية – 17 لوحة برواز - 12 مرآة نحاسية - 2 شمعدان نحاس بنقوش إسلامية – 3 رف خشبي وطاولة بنقوش– تمثال لإحدى السيدات - 3 مكواة حديد - 3 مرآة إنجليزية – علبة مجوهرات بنقوش - برميل خشبى منقوش مزود بصنبور معدنى – 2 تمثال رخامى - 2 كرسى خشب إنجليزى - قدرة فول و لبانة نحاس - 2 ستارة مشغولة – 2 رف مطعم بالنحاس المشغول مجموعة من الشموع والشمعدانات والمشغولات الزجاجية والأباجورات والتماثيل الحجرية والنحاسية والمفروشات، صينية من خشب الجوز ومنضدة من الزجاج المشغول.
بعرض المضبوطات على المبلغة تعرفت عليها، وتحرر المحضر جنح الدخيلة، وبالعرض على النيابة العامة قررت حبسهما على ذمة التحقيقات وتسليم المسروقات لمالكها.
تفاصيل اعترافات المتهمين بسرقة لوحات وأنتيكات بـ 4 ملايين جنيه من فيلا سيدة غرب الإسكندرية.. حارس العقار: لم أحصل سوى على 200 ألف جنيه.. "والمفروض تحاسبوا تاجر التحف لأنه هو اللى غوانى"
الخميس، 11 يونيو 2015 05:55 م
جانب من المضبوطات
