مدفع رج الدنيا وسمع
بعد صيامنا الكل اتجمع
ويا صلاتنا وف التراويح
داب القلب بدعوة ودمع
..................................
ليل ب ينور م الفوانيس
زينة ف حارة م القصاقيص
أيام طاعة وفيها الخير
ربى حماها م الاباليس
..................................
عايش علشان متعة وشهوه
ناسى الآخرة ودنياك تهوى
رمضان بيضاعف حسناتك
توب الموت بيشوط على سهوه
..................................
وسط العتمة بنلقى البدر
جاى الشهر بليلة القدر
نتعب حبه نلقى محبة
نرضى الله وننول الستر
................................
ريحة الجنه معاه بتفوح
تملى الدنيا تغذى الروح
يا رمضان شهر القرآن
اوعاك مننا تانى تروح
................................
كحك العيد ويا القراقيش
ولمة عيلة بالمناقيش
فرحه نودع بيها صيامنا
وذكرى جميله معاك بتعيش
صورة أرشيفية
