تفاصيل لقاء الرئيس مع الوفد الشعبى فى برلين.. السيسى: هدفنا أن تكون مصر واحد ونواجه خطرا كبيرا.. والألمان اقتنعوا أن ما يحدث إرادة شعبية.. وعن الفتاة الإخوانية بمؤتمر ميركل: مصرية حتى لو اختلفنا معاها

بعثة برلين: دندراوى الهوارى- محمد الدسوقى رشدى- محمد الجالى – أسماء مصطفى- ناجى عباس

- السيسى:أنا لا رئيس ولا زعيم ولا قائد أنا واحد منكم

- الرئيس: الانتخابات قبل نهاية العام.. ومش قلقان غير من اهتزاز وحدة الشعب

- السيسى: مفيش حد قفز على السلطة وأنا جاى فى مهمة وطنية

- الرئيس للمصريين: "أنتم قادرين وفيه تانى وتالت غير قناة السويس"

- السيسى: ندرس استحداث وزارتين للمصريين بالخارج والمشروعات الصغيرة

- الرئيس: محطة جديدة لتحويل الغاز المسال إلى طبيعى فى أغسطس

- السيسى: مصر كانت على الحرف وحد أنقذها وهى نازلة تقع

- الرئيس: مديونيات التليفزيون المصرى بلغت 17 مليون جنيه

- السيسى: جيشنا قادر على فرض الاستقرار.. ولو نزل فى 30 يونيو كانت هتبقى مشكلة

- الرئيس: "إحنا بنبذل جهد مبروك".. و"الكلمة دى مش هتعجب يوسف الحسينى"

- السيسى: ألمانيا ودول كثيرة فهمت أنه لا استقرار للمنطقة بدون مصر

- الوفد الشعبى والفنانون للسيسى: أنت حبيبنا ياريس


اجتمع الرئيس عبد الفتاح السيسى، بعد ظهر اليوم الخميس، مع أبناء الجالية المصرية فى ألمانيا، والوفد الشعبى والإعلامى والفنانين، المرافقين له فى العاصمة برلين.

مهمة وطنية

وقال الرئيس عبد الفتاح السيسى، "إن كلمة المصريين تعنى كل مصر، ملهمش هدف غير حماية بلدهم، ويحافظوا معايا عليها من الشر وأهله، واللى بيحصل فى مصر محتاج أنه يوصل للناس، جايز يكون السفارات وهيئة الاستعلامات وحتى الإعلام ليس أمامهم فرصة أنهم يعرفوا كويس".
وأضاف: "محتاجين نقول لكل العالم إن اللى حصل فى بلدنا ده إنجاز، أوعوا تفتكروا إن حد قفز على سلطة أو حاجة، أنا جاى فى مهمة وطنية".
وأكد الرئيس، أن المنطقة كانت تتجه إلى الهاوية، مضيفاً: "طول ما مصر واقفة على رجليها المنطقة واقفة، لأن ربنا أراد أن مصر تبقى دائما عامود تسند اللى حواليها.. اه فيه أحداث فى سيناء وأبراج الكهرباء اللى بيتم استهدافها لكن أحنا كل يوم بنتحسن وصبرنا وهنصبر".

السيسى: الألمان اقتنعوا

وقال الرئيس عبد الفتاح السيسى: إنه فيما يتعلق بنظرة الغرب لحقيقة الأوضاع فى مصر كنا نضع فى اعتبارنا أن الغرب يحتاج لوقت حتى يفهم، مضيفًا: "الشعوب تهتم بنفسها ومصالحها، وإحنا أدينا فرصة للناس إنها تفهمنا، ولما جيت هنا مكانوش مستوعبين قوى، لكن فى الآخر بعد الزيارة عرفوا إن اللى حصل فى مصر إرادة شعبية بفضل الله".
وأشار إلى أن الواقع فى المنطقة صعب خاصة الموجود فى سوريا والعراق، وذكر السيسى: "إن الهدف الاستراتيجى إننا نبقى واحد لأن الخطر كبير جدًا مش بيتجزأ ومش بيتغير".

الفتاة الإخوانية بمؤتمر ميركل

وعَلَّقَ الرئيس عبد الفتاح السيسى، على حادث الفتاة الإخوانية، التى رفعت علامة رابعة فى نهاية المؤتمر الصحفى للسيسى والمستشارة الألمانية أنجيلا ميركل، قائلا: "دى فتاة مصرية، حتى لو اختلفنا معاها، كنت عايز أقولها تعالى الموضوع مش كده خالص، والبلد كانت بتضيع".
ووَجَّهَ السيسى حديثه للمصريين بالخارج، قائلاً: "أنتم بوجودكم كل يوم فى الأماكن المختلفة فى برلين، كانت رسالة إيجابية للكل، ومحتاجين نقول لكل العالم إن اللى حصل فى بلدنا إنجاز".

الانتخابات قبل نهاية العام

وجدد الرئيس عبد الفتاح السيسى تأكيده إجراء الانتخابات البرلمانية قبل نهاية العام الجارى، وقال: "إحنا حريصين إن إحنا قبل نهاية السنة نكون عملنا انتخابات، ويكون رمضان والامتحانات خلصت".
وأشار السيسى، إلى أنه كان مخططًا أن تجرى الانتخابات فى مارس الماضى، وتنتهى المرحلة الأولى من الانتخابات أثناء انعقاد المؤتمر الاقتصادى، لكن حُكْم المحكمة تسبب فى تأجيلها، مضيفًا: "التجربة دى هيبقى فيها خير".
ووَجَّهَ السيسى رسالة للمصريين المقيمين فى الخارج، قائلاً: "بلغوا تحياتى وسلامى لكل المصريين فى أى مكان.. أنا عمرى ما قلقت من أى حاجة إلا أن وحدة المصريين تتهز.. كتلة 30 يونيو، أى حد تانى جوه مصر ماتشيلوش همه سيبوهولى أنا، ولن أستطيع أن أرضى العالم كله لأن فيه مصالح".

الخطر كبير

وقال الرئيس عبد الفتاح السيسى، إن الواقع فى المنطقة صعب خاصة الموجود فى سوريا والعراق، مضيفًا "الهدف الاستراتيجى إن احنا نبقى واحد، لأن الخطر كبير جدًا مش بيتجزأ ومش بيتغير".
واستكمل السيسى: "هناك خطر حقيقى على مصر، هناك من قدم فكرتين لإسقاطها، الأولى براقة جدًا وهى تغيير الواقع فى مصر وتدمير مؤسساتها هى السبيل لتحقيق الديمقراطية، وتم تدريس ذلك لبعض الناس، والفكرة الثانية قالوا لهم: مش هنتقدم غير بالدولة الإسلامية، ولا ده صح ولا ده صح من غير عمل ودراسة".

وتابع السيسى: "التنظير لفكرة هدم الدولة وبناء دولة جديدة تم تعليمه لأولادنا الأنقياء الأبرياء، أنت محتاج 50 سنة علشان تعرف يعنى إيه دولة، لو القضاء أو الشرطة اتهدوا هياخدوا كام سنة علشان يرجعوا، المواضيع ماشية كده عشوائى.. محتاجين إن رسالتنا تبقى واضحة وسلوكياتنا يا ترى هتبقى عاملة إزاى؟، إحنا فى أفضل حالاتنا فى العلاقة بين مصر والمصريين فى الخارج، وهنرجع الوزارة اللى هتكون همزة وصل ما بيننا وبين المصريين فى الخارج".

وأضاف السيسى: "عايزين نعمل كيان للمشروعات الصغيرة والمتوسطة، بنعمل لها وزارة علشان تاخد كل الإجراءات المناسبة لنجاح الفكرة، وهى تجربة موجودة فى دول كتير سبقتنا"، مشيرًا إلى أن كرامة مصر رجعت للمصريين، موجهًا حديثه للمصريين فى الخارج: "لازم تعرفوا إن عنينا عليكم ومعاكم وبنحبكم". وطالب السيسى المصريين فى الخارج بزيارة مصر دائمًا وعدم الانقطاع عنها، وقال: "لو 30 أو 20 من المصريين فى الخارج زاروا مصر ستنتعش السياحة، وأهلاً وسهلاً بكم فى الأجازات بتاعتكم".

لا استقرار للمنطقة بدون مصر

وحول زيارته لألمانيا، قال الرئيس المصرى عبد الفتاح السيسى: إننا وجدنا تفهمًا حقيقيًا من جانب المسئولين الألمان، وألمانيا هى قلب وعقل أوروبا، ونحن شرحنا كل الموضوعات بتجرد وصدق، احنا عندنا تجاوزات مفيش كلام هم فهموا ده، لكن محتاجين نتحرك أكتر.

وأضاف الرئيس للصحفيين المصريين: "عايزين وقت وجهد وإخلاص كبير لفهم حقيقة الدين".
وأوضح أن ألمانيا ودولا كثيرة فهمت أنه بدون مصر فلا يوجد استقرار للمنطقة، واستكمل الرئيس "الألمان مستعدون يتعاونوا معانا ويساعدونا، وأحنا فى المنطقة شكلنا يقلق، احنا قلنا لهم أحنا فاهمين الصعوبات ومستعدين وقادرين".

وأشاد السيسى بجدية الجانب الألمانى للتعاون مع مصر، وذكر: "الناس هنا جادين وعندهم تقدم هايل، الاحتياطى النقدى عندهم أكتر من 3 تريليونات يورو ما شاء الله".. وأكمل السيسى: فى مجال البنية الأساسية عندى مجموعة موانئ فى مصر حاجة صعبة ومتسابة بقالها 40 سنة، أحنا اتفقنا معاهم لتطوير الموانئ.. ومشروع شرق التفريعة، الفريق مهاب مميش قال لى تتكلف 35 مليارا، قلت له خد 20 مليار كفاية.

جيشنا قادر على فرض الاستقرار

وقال الرئيس عبد الفتاح السيسى، إن هناك دراسة أجريت عن مصر، وخرجت بنتيجة مفادها "عندنا جيش قادر على فرض الاستقرار"، مشددا أن مصر قادرة على الاستثمار.
وأكد الرئيس عبد الفتاح السيسى، أن "الناس لو مكانتش نزلت فى 30 يونيو علشان يغيروا واضطر الجيش للنزول كانت هتبقى مشكلة".

محطة جديدة لتحويل الغاز المسال إلى طبيعى

وقال الرئيس عبد الفتاح السيسى، إنه فى شهر أغسطس المقبل ستكون لدينا محطة من تحويل الغاز المسال إلى طبيعى مُسْتَخْدَم، "وكل مطالبنا من الغاز هنكون حليناها بشكل أو بآخر".
وأضاف السيسى: "لن نستطيع أن نتقدم مثلما نريد إلا إذا تخلصنا من الدعم، ولازم الغلبان يبقى وسطنا ومايضيعش مننا، وده اللى مكتفنا، إزاى أقدر أخللى اللى معاه يدفع والغلبان مايدفعش".

الحاضرون: أنت حبيبنا

ووجه الرئيس عبد الفتاح السيسى، رسالة للمصريين المقيمين فى الخارج، قائلاً: بلغوا تحياتى وسلامى لكل المصريين فى أى مكان"، متابعاً: "أنا عمرى ما قلقت من أى حاجة أن وحدة المصريين تتهز.. كتلة 30 يونيو، أى حد تانى جوة مصر متشيلوش همه سيبوهولى أنا، ولن أستطيع أن أرضى العالم كله لأن فيه مصالح".

وأوضح الرئيس أن الدعم، الذى وجده فى برلين من المصريين، فى حد ذاته، يعتبر دعما من ربنا، قائلا: "كل ما العدد ده سواء هنا أو فى مصر كبير بيطمنى على مصر.. أنا لا رئيس ولا زعيم ولا قائد أنا واحد منكم"، ورد الحضور بالقول: "أنت حبيبنا يا ريس"، ثم قال البعض: "بالروح بالدم نفديك يا سيسى"، فرد الرئيس بقوله: "نفدى مصر".. وأضاف السيسى: "أنا يشرفنى أكون واحد منكم".

مصر كانت على الحرف

وقال الرئيس عبد الفتاح السيسى، إن مصر كانت معرضة للانهيار فى ظل الحكم السابق، موضّحًا: "البلد دى كانت خلاص فى قمة التردى بتاعها، كانت على الحرف، وهى نازلة تقع حد أنقذها، وربنا أراد كدة".
وعندما رد عدد من الحاضرين بقول: "أنت اللى أنقذتها يا ريس، وربنا يحميك"، رد الرئيس بقوله: "لا.. ربنا اللى عايز كدة".
وأضاف السيسى: "ربنا لم يرد لمصر أن تسقط، وفضلت بفضل الله ماسكة نفسها.. مصر لسه فى الأرض، وربنا خلقنى طبيب أوصف الحالة، هو خلقنى كدة أعرف الحقيقة وأوصفها، كلامنا نقى وشريف وأمين ومخلص، مفيش هدف غير المصلحة حتى ولو كانت مصلحة إنسانية مش وطنية فقط".

وزارتان للمصريين بالخارج والمشروعات الصغيرة

وأكد الرئيس عبد الفتاح السيسى خلال لقائه الجالية المصرية، والوفد الإعلامى فى ألمانيا، أن هناك تفكيرا جديا لاستحداث وزارتين جديدتين، الأولى لرعاية المصريين بالخارج، والثانية للمشروعات الصغيرة والمتوسطة.

وقال الرئيس عبد الفتاح السيسى، خلال لقائه الجالية المصرية، والوفد الإعلامى فى العاصمة الألمانية برلين، إن مديونيات التليفزيون المصرى، بلغت 17 مليار جنيه.
وذكرالرئيس عبد الفتاح السيسى، أن هناك تفكيرا جديا لاستحداث وزارتين جديدتين، الأولى لرعاية المصريين بالخارج، والثانية للمشروعات الصغيرة والمتوسطة.

السيسى: "أحنا بنبذل جهد مبروك".. و"الكلمة دى مش هتعجب يوسف الحسينى"

قال الرئيس عبد الفتاح السيسى: إن الدولة حاليا تبذل جهدًا كبيرًا فى مصر، لا أحد يتصوره، واصفًا إياه بـ"الجهد المبروك".
وداعب الرئيس عبد الفتاح السيسى الإعلامى، يوسف الحسينى، قائلاً: "الكلمة دى مش هتعجب يوسف"، وهو ما جعل الحاضرين يضحكون.

السيسى للمصريين: "أنتم قادرين وفيه تانى وتالت غير قناة السويس"

وقال الرئيس عبد الفتاح السيسى: "قناة السويس الجديدة لو إحنا عندنا لؤم كنا خلينها بدل متبقى من خمس سنين كنا خليناها 3 بس لكن إحنا قلنا سنة.. إحنا بنقول للمصريين أنتم قادرين ولسه فيه تانى وتالت كمان إن كان فيه عُمرْ، هتجدوا الأمر عجيب، هتقولوا إزاى ده كله اتعمل.. اتعمل بالمصريين وبيكم هنا".