أنا العاقل..أنا المجنون
أنا الثائر..أنا الساكن
أنا الحر وأنا المسجون
أنا اللى طول عمرى بضحى وأقول عشانك عمرى يهون
واحزن على حالك وابكى وربى عالم بالمكنون
قالو عنى خاين قالو عميل
وأنا اللى شايل همك شيل
وف قلبى حبك حب جنون
ومهما تزيدى ف قساوتك
حتفضل ف قلبى غلاوتك
واحفظ كرامتك وعهدك اصون
ببعد شوية وبرجعلك
وألاقى روحى بتسمعلك
وف حضنك انتى بنسى الكون
بخاف عليكى من نفسى
من طيشى وجنونى وياسى
أنا عمرى ليكى وبيكى اكون
وبغير عليكى من ناسك
من كلمة تجرح أحساسك
ومن ناس بتغدر بيكى وتخون
عدد الردود 0
بواسطة:
تحيا مصر
حب مصر
احمى مصر يارب