ف لحظة بصت جوا منها
لقت إحساس غريب ساكنها
وحاجات كتير متغيرة
إحساس بيمر زى طيف
إحساس عجيب لكن لطيف
خارج حدود السيطرة
من غير سبب تضحك وتبكى
ولأى حد عايزه تحكى
بقت المشاعر ثائرة
الناس تنام وهى تسهر
وتفضل طول الليل تفكر
بقت خلاص متحيرة
بعد التعب سألت سؤال
أنا ليه سهرت وليلى طال؟
ومشاعرى مش متفسرة
ليه بقيت بكلم النجوم
مبقاش بييجى لعينى نوم
يا ترى إيه اللى جرى؟
لسؤالها كان نفس الجواب
الحب دا مصدر عذاب
أصل أنت لسه صغيرة
امرأة شاردة
