عودتينى أشوف الدنيا
حلم جميل
عودتينى
مهما يميل الناس عن حبك
عمرى ما اميل
علمتينى وقلبى اتعلم
إنى أسامح مهما اتألم
يبقى ف قلبى النور للدنيا
مهما حاصرنى ظلام الليل
عودتينى أغنى غناوى
يبقى العشق ف قلبى حكاوى
أحكيه عنك فى المواويل
عودتينى أرجعلك تانى
ألقى ف حضنك لسه مكانى
مهما ياخدنى لغربة زمانى
تبقى عيونك ليّا دليل
![محمد صوان يكتب: يا.. مصر محمد صوان يكتب: يا.. مصر](https://img.youm7.com/large/s220146182220.jpg)
مشاركة
اضف تعليقاً واقرأ تعليقات القراء
مشاركة