مصرى وبارسم فوق عيدان الصبر إسطورة
مصرى وبازرع حلمنا جوّه الأمل صورة
وانده عليها تضّمنى يا مصر منصورة
****
مصرى ونسمة من الجنوب متنسمة جايّة
فاردة شراع الأمل متبسمة هىّ
والبحركلّه أمل همسة دلال ليّة
****
مصرى وفوق الشجن تِعلى ويعلى بنا
وطنى وساعة المحن مهماياناس صابنا
لكن فى حال الوغى يرعد لمين عابنا
****
أنا مصرى اللى التاريخ قال لى وقال عنّى
مصرى ومين يغلبه؟! حتىولوجنّى
وحتى طيرالسما يزأر لمين هانّى
****
مصرى نجوم السما تنده عليه لبّى
فارد جناحه القوى طال القمر حبّة
يرعش قلوب العدا ياما العِدا خبّا
![د. صبرى إسماعيل يكتب: مصرى أنا د. صبرى إسماعيل يكتب: مصرى أنا](https://img.youm7.com/large/3201524151026.jpg)
مشاركة
اضف تعليقاً واقرأ تعليقات القراء
مشاركة
اضف تعليق
تم أضافة تعليقك سوف يظهر بعد المراجعة
عدد الردود 0
بواسطة:
سهام طنطا
بقمة الروعة والجمال
جميلة فى زمن قل فيه الوقاء لكل شئ حتى الوطن