خلى قلبك لونه صافى
وأوعى تجرح أى حد
إيه هتكسب لو تجافى
أو تعاند أو تشد
الحياة معروفة ثانية
والخطاوى والسنين
هو طبع الدنيا فانية
قول أنت دامت لمين...!!
أوع تفضل جوا ذكرى
فيها حزن وفيها هم
ازرع الأحلام لبكرة
واحضن الفرحة وضم
ارسم البسمة ف شفايف
لوَّن الجرح اللى فات
طمِّن القلب اللى خايف
ادفن الماضى اللى مات
مهما طال ألمك وعلِّم
والدموع زادت نزول
بعد صبرك راح يسلَّم
واللى صابر يوم ينول
وافتكر طول ما أنت ماشي
إنه ربك فوق وعالم
بيده كل الكون دا ماشي
عنده تترد المظالم
أرشيفية
لا توجد تعليقات على الخبر
تم أضافة تعليقك سوف يظهر بعد المراجعة