راسم تكشيرة على وشه
بيقول الناس بتغشه
وبيضحك بس من أصله
بيقول الناس كدابة
واننا عايش فى غابة
وحياتى هى الكآبة
بيلوم غيره على غلطة
وان الحظ بيعانده
لو حب يضحك بزيادة
هيكرمش وشه كالعادة
ويقول خير النحس انفك ياسادة
بيبيونة عقدها فى رقبته
لابسة بس بارادته
شماعة جديدة لسعادته
ماهو كل يوم بتزيد خيبته
رابط حزام الامان وراه
محتاج تعافر وياه
تقوله انسى الاه
يقولك كفاية منظرة
مش هى دى دنيتك
عيشها ورينى بسمتك
دعوتك ليه متأخرة
تم أضافة تعليقك سوف يظهر بعد المراجعة