وائل عبد الودود حسين يكتب: قلناها وعملناها "قناة السويس"

قلناها وعملناها وبفضل الله خلصناها
قلناها وعملناها وبأيدينا بنيناها
تعالوا هنا قربوا شوفوا، شوفوا الشعب المصرى أصيل
لو لفيتوا لو هتطوفوا مش هتلاقوا له بديل
شعب بيكتب تاريخ جديد تاريخ يشرف كل مصرى
وبنغير خريطة العالم ما المصرى دايماً عصرى
إحنا وقت الشدة دايما واقفين سوا وجنب بعض
علشان مصر بلدنا دايما تبقى عالية بأيدين بعض
لما تنادى علينا يا بلدى لنداكى على طول نلبى
ونقولك سمعا وطاعة وتحت امرك مع كل حبى
كل حبة رمل فيكى مسقية بعرق ولادك
كل نقطة ميه فيكى بتروى عطش أحبابك
مكملين على طول معاكى ووياكى لآخر المشوار
واللى يتعب يا بلدى فداكى ما إحنا طول عمرنا أحرار
إحنا نموت ومصر تعيش وفداكى كلنا يا بلادى
واللى ماتوا علشان تعيشى حبوكى بروحهم يا بلادى
كلمتين حالف لأقولهم ولو ف آخر نفس ليّه
الشهادة وتحيا مصر وهما دول كل أمانيّه