بالفيديو والصور.. سائق بالإسماعلية يزين سيارته بصور السيسى وقناة السويس.. "ميلاد": "فرحان إنى بساهم فى الاحتفال ومش خايف من الإخوان ومش هنبطل نفرح".. "وأنا مش أحسن من الرئيس اللى عاوز يموت علشان مصر"

ميلاد إيليا مواطن مصرى يعمل على خط المرج- الإسماعلية لأكثر من 15 عامًا، وسخر سيارته لخدمة المواطنين لنقلهم إلى محافظة الإسماعلية، وعلق عليها شعارات قناة السويس الجديدة، وصور الرئيس عبد الفتاح السيسى، وعلم مصر، ليتحول الميكروباص الذى يمتلكه إلى معرض صور متحرك.



قال ميلاد إيليا، إنه قام بلصق صور للرئيس وشعار القناة لحبه لخدمة بلده وفرحته بإنشاء قناة السويس الجديدة التى وصفها بـ"فرحة المصريين".



وتابع إيليا: "فضلت أفكر كتير أقدر أخدم البلد إزاى وأنا محلتيش حاجه غير الميكروباص وساعتها قررت إنى أزين الميكروباص بتاعى وده أقل تعبير عن فرحتى بالقناة لجديدة"، وأضاف: "قررت معملش زى غيرى واستغل الناس وأغلى الأجرة وأصريت إنها تفضل زى ما هى ولو كنت أقدر أرخصها كنت عملت كده فعلا".



واستكمل إيليا قائلا: "البلد لقيت فرحه بجد ولازم نفرحلها فعلا، وأنا علقت صور الريس وفرحتى بالقناة متتوصفش ومش خايف من إخوان ولا أى إرهابى يفكر يجى يكسر العربيه بتاعتى علشان الصور وكل همى أفرح وأفرح أى حد يركب معايا ويروح القناة وهفضل افتكر الحدث ده طول عمرى لأنى ساهمت بنقل الناس للقناة الجديدة".



وقال إيليا: "أنا ممكن أضحى بحياتى علشان البلد دى تفرح بجد وعمرنا ما هنكون أحسن من الرئيس اللى يفتدى البلد دى بحياته".