عمرك كام
مش فارق معايا الكلام
عندك من العمر كام
لسه صغير
ولا كبير
المهم قادر تبقى تمام
قادر تلاقى نفسك وسط الزحام
قادر تضحك وسط كتيبة الإعدام
قادر تفهم كل الناس
اللى مات فيهم الإحساس
وتعبر بروحك لبر الخلاص
قادر تقول للحظ كفاية
انت واخد روحى تسلاية
واتصاب حلمى معايا
بسهم غادر من السهام
قادر تشق طريقك
قادر تنقذ غريقك
من غير ما تسمح للئام
يدقوا بابك
يهدموا روحك
يفتحوا جروحك
ودواهم هو الانتقام
قادر تصرخ فى وش الظالم
وتقول لا أنا مش نادم
حقى أجيبه وأبقى سالم
قادر أعيش
لو ما أعيش
ومخليش كرامتى بقشيش
رافع راسى
وضارب كل الناس تطنيش
زحام فى الشارع
