د.صبرى إسماعيل يكتب: دمعة ندم

دمعة ندم فرّت ومن عينى أنا
ماسك ب ستر الملتزم
جنب الحجر، جوّه الحرم
سابح فى بحر من الألم
ومن الدموع ومن الندم
والخوف بيكتم بسمتى
وواخدنى منّى و دنيتى
نزلت دموعى هدهدت روحى
وآه تشقّ الظلم وجنوحى
طارت بحلمى فى السحاب
وكأنها همسة عتاب
حروف وكلمة فى الكتاب
أو رعشة القلب الكسير ساعة الحساب
أحاول أدخل ما يساعنى ألف باب
والضيق مكلبش فى الصدور
جنّى ومليان بالغرور
باينّه ريح اتستفت فوق المحيط
أو همهمة فى بير غويط
لفلف معايا فى دنيتى
مكتوب مقدر قِسمتى
ياربى ياملك الملوك
كل جوارحى بيعبدوك
ويوحدّوك ويعظمّوك
إغفر ذنوبى المُهلكة
ومعايا كل اللى اشتكى
خايف بلهفة قام بكى
تنصرنى على كيد الشيطان
الألعوبان
وتكون لى زمزم بلسمى
وتزرع الخير فى دمى
والدنيا والناس أجمعين
آمين يارب العالمين