محلا ليالى العيد والكل سعيد
فرحة بتجمع شمل قريب وبعيــد
نفرح نتهنى
وقلوبنا تتمنى
والنسمة جايَّلنــــــا
بمواعيـــــــــــــد
******************
من فجره بنكبَّر
والدنيا بتنوَّر
واللبس والمظهر
فـ جديــــــــــــــــــد
*************************
السعد بيواكب
زي شمس وكواكب
للماشــــي والـراكــــــب
وبعيـــــــــــــــد
***********************
اللَّمة والعيـــلة
والصحبة فيـــه جميلة
بنعيشه كام ليلــــة
دا فريــــــــــــــــد
****************************
بيقرَّب الغايب
الكل فيه حبايب
والفرح فيه صايب
ومزيــــــــــــد
*****************************
أطفال ومورجيحة
بساتين فـ تصبيحة
النسمة فيه مريحة
وبتزيــــــــــــد
***************************
سجدة وتكبيرة
وملايكة فيه كتيرة
والتمر تصبيرة
ومفيـــــــــــد
*****************************
شوارعنا بتلالي
وطريقنا مش خالي
تكبير بصوت عالي
وترديــــــــد
********************************
الحزن فيه ساكن
ولا قلب فيه داكن
والكل فـ أماكن
وسعيــــــــــــد
العيد
