وائل عبد الودود حسين يكتب: المشكلة مش فى اللحمة

لو على اللحمة مش أزمة
لو على الفراخ بقى فيها هرمون
والسمك بقى مش مضمون
طب هنأكل عيالنا فول
وبصارة وعدس على طول
هـيجى اليوم ويقولوا زهقنا
ومن الفول والعدس تعبنا
ونفسنا فى شوية فتة
ولو معاها حتة لحمة
المشكلة مش فى اللحمة
المشكلة بقت فى الرحمة
تاهت فى وسط الزحمة
زحمة لقمة العيش
والجرى على البقشيش

ومحدش من الوهم فاق
وكأنك داخل فى سباق
أنا عندى، عندى وعندى
وكأنك عايش فى تحد
وناس مش حسه بناس
والله نعمة الإحساس
والاب بيجرى على قُوتُ عياله
صارف عليهم كل ماله
من عرقه ومن حلاله
والقوت بقى غالى
والاب منه بيلالي
شايل جواه فى سكوت
وتوت توت القطر يفوت
لحد ما يجى ميعاد الموت
طب يعمل ايه ويسوى أيه
والطلبات كتيرة عليه
من المدارس حرقة دم

حتى الاكل ، بقت حاجة تغم
وكل يوم فى زيادة
والمرتب واقف كالعادة
لازم نحس ببعض شوية
لازم نرحم بعض شوية
ولا هيه بقت ملوخية
كل حاجة تغلى شوية
هيه ديه بقى القضية
الانسان ملهش ديه
ألحقينا يا حكومة
مش بس القوطة بقت مجنونة