رئيس لجنة الحكام: "قضاة الملاعب" بشر غير معصومين والأخطاء ستستمر

أعرب جمال الغندور، رئيس لجنة الحكام، عن استيائه الشديد من حملة الهجوم التى يتعرض لها الحكام فى الوقت الحالى، مؤكّدًا أن هذا الهجوم والانتقاد سيؤثر بالسلب على أدائهم.

وأضاف رئيس لجنة الحكام خلال تصريحاتٍ له لبرنامج "الكرة فى دريم" مع خالد الغندور، أن قضاة الملاعب هم بشر وغير معصومين من الأخطاء، لافتًا إلى أن أخطائهم ستستمر، مع العمل على تقليلها وليس محوها بشكل تام.

وقال الغندور: "اوعوا تفتكروا إننا معانا عصايا سحرية هنمنع بيها أخطاء الحكام، لازم نكون واقعيين، ونشتغل بمنطق إن أخطائهم هتستمر، مع العمل على تقليلها، لأن مافيش وسيلة تكنولوجية حديثه تمنع أخطائهم، أو هنجيب حكام خارقين من الفضاء".

وتابع: "الحاجة التانية مش هينفع كل لعبة نطلع نتكلم ونشرحها ونحللها، وكمان مفيش تعاون من باقى العناصر، والضغوط اللى بتحصل خارج الملعب زادت عن الحد، لازم نحط حد لهذه التجاوزات علشان الدورى يستمر، لأن الأجهزة الفنية بتختلق المشاكل وبنتقلها للاعبين، وده هيصعب مهمتنا، ولابد من وقفة حاسمة نتعاون فيها، فالناس ممكن هتكبر دماغها ومش هتتعب نفسها بالعمل فى جو صعب زى ده".