زمان كانت الدنيا ألوان
رسومات حلوة على الجدران
جميلة وخلابة بريشة فنان
عطر الورد فى البستان
والفراشات زاهية الألوان
لا سحابة سودا ولا دخان
والنظافة من الايمان
أحلى عشرة مع الجيران
ملائكة حاضرة تبعد ألف شيطان
والشيطان يبعد عن المكان
الأخلاق ياقوت ومرجان
كان فيه حب وحنان
من الإنسان لأخوه الإنسان
من راجل قاعد فى الدكان
يحن ويعطف على الحيوان
الكل مبسوط وفرحان
ولو كان واحد غلبان
إحساس الواحد بالأمان
يخليك تعيش سلطان
عمر العصفور ما كان حيران
والاصوات كان فيها ألحان
واللحن يضبط على الميزان
الطرب الأصيل بصوت رنان
مش دوشة تتعب الودان
أو أصوات زى الخرفان
ما تسمع منها الأدان
من غير لحن بصوت زنان
الواحد منهم يجيب الجنان
وفى البيت تلاقى القبطان
له روح له كيان
لو البحر عالى وغضبان
يرسى بالسفينة على الشُطآنٌ
والستات ذوق وجمال فتان
زى حب الرمان
لا تحرش من شخص جبان
والأخلاق كاملة الأركان
فرق كبير شتان
بين زمان والآن
الفرق واضح وبان
صورة أرشيفية
