الإبراشى تعليقاً على رسالة مخرج "سيب أيدى": نجمة مين.. ده انحطاط باسم الفن

قال الإعلامى وائل الإبراشى، إن مناقشة قضية سلمى الفولى، التى تم حبسها 6 أشهر بسبب فيديو كليب "سيب أيدى" بتهمة نشر الفجور،:"نقدم سلمى على أنها نموذج عوقب وهى ترفع شعار "اشمعنا أنا"، ونحن نواجه الانحطاط باسم الفن والفعل الفاضح باسم العمل الفنى".

و علق الإبراشى، خلال استضافته سلمى الفولى ببرنامجه "العاشرة مساء" على فضائية "دريم"، على رسالة مخرج الكليب إلى سلمى من خلال مواقع التواصل الاجتماعى، قائلاً: "هو مكنش يعرف حجم الفساد اللى فى مصر و هو صانع فساد و انحراف، الراجل مقتنع إن الفساد هو اللى حبسه مش الفساد اللى عمله واللى انتى عملتيه.. أنا أمام مخرج بيدافع عن طبخة وواضح من كلامه إنك تخرجى تبقى نجمة.. مين قال إن اللى بتدخل سجن بسبب انحطاط و انحلال هتخرج تبقى نجمة.. نجمة مين".

كان مخرج كليب "سيب أيدى" وجه رسالة إلى سلمى الفولى عبر مواقع التواصل الاجتماعى، قائلاً:"سلمى اتقبض عليها يوم 23 مايو و بعد 6 شهور المفروض تخرج .. سامحينى مكنتش أعرف حجم الفساد اللى فى مصر، أنتى اليوم خارجة نجمة كبيرة و القنوات و الشركات فى مصر و بره تتمنى تمضى معاكى و العالم كله فى انتظار لحظة خروجك.. الفيديو عادى و أقل من عادى بالنسبة للأفلام والمسلسلات و كلنا عارفين الظلم اللى وقع علينا بسبب نجاحنا.. وأوعى فى يوم تزعلى منى أو تسيبى أيدى".