علق حازم إمام، عضو مجلس إدارة اتحاد الكرة، غاضبا على الشائعات التى ترددت مؤخراً حول الإطاحة بالأرجنتينى هيكتور كوبر المدير الفنى للمنتخب الوطنى، قائلاً: "حاجة تجنن والله، ومش عارف إيه سبب الكلام ده فى الوقت الحالى، وقبل مباراة الكونغو".
وأضاف الثعلب الصغير: "ليه فجأة طلع أن كوبر هيمشى، رغم أنه نجح فى الوصول لأمم أفريقيا، وعلى أعتاب التأهل لكأس العالم، وإيه الهدف من الكلام ده فى الوقت الحالى، والمفروض فى حاجة اسمها المصلحة العامة، ولازم نراعيها.. واللى منعنا من الوصول لكأس العالم خلال الأعوام الماضية، أن مع كل هزيمة لازم المدرب يمشى، والفكر ده لا بد أن يختلف".
وتابع حازم إمام خلال تصريحاته لبرنامج "مع شوبير": "ماينفعش كل ما حد يتغلب يمشى، والبرتغال حصلت على بطولة كأس أمم أوروبا، رغم أنها لم تقدم مباراة واحدة بمستوى جيد، وفى أول ثلاث مباريات كانوا ضيعين، ومدرب إسبانيا خسر بالخمس أهداف لكنه استكمل مشواره، ولا بد أن يتم تغيير هذا الفكر ونسيب الناس تشتغل فى هدوء".
واستطرد الثعلب الصغير حديثه: "الناس اللى عمالة تعلق على أداء المنتخب، وفنيات كوبر، احنا مش البرازيل، اللى طول عمرها بتمتع العالم بأدائها، واحنا على مستوى العالم لا نذكر".
عدد الردود 0
بواسطة:
شعبان صابر
برازيل مصر
احنا مش اقل من البرازيل وفي بطولة القارات2010 قال المذيع مصر بقت البرازيل والبرازيل بقت مصر من شدة اعجاب المذيع بلعب المنتخب وهزمنا وقتها اربعة الي ثلاثة
عدد الردود 0
بواسطة:
مصرى
تكلم بمنطق وفكر
يا كابتن حازم .. كفاية كدة ننزل من قيمتنا ، لأن دى عقدة نقص .خلى بالك يا كابتن حازم .. لما تتكلم فى الإعلام ، اتكلم بمنطق وفكر ، وما تقولش أى كلام وخلاص . إنت بتتكلم عن منتخب مصر اللى العالم اتكلم عن الكورة الشاملة اللى بيقدمها وبسببها فاز بكأس أفريقيا 3 مرات متتالية ، وقدم عروض ممتازة فى كأس العالم للقارات ، وكان دايما فى صدارة المنتخبات الأفريقية .
عدد الردود 0
بواسطة:
حافظ عبدالجليل
رياضة
وليه ياعم حازم مبقاش البرازيل كتير علينا ومين كوبر ده اصلا اللى متمسكين به ده يبقى اكيد بتستفيدوا من وراء