اشتد الصراع مؤخرًا بين الحكومة المصرية والفلاحين من حارقى قش الأرز، بعد تزايد أعداد المحاضر التى يتم تحريرها يوميًا، والتى تضبط بواسطة صور الأقمار الصناعية، حيث تضبط وزارة البيئة عشرات المزارعين يوميًا يحرقون مئات الأفدنة ويلوثون الهواء.
الدكتور خالد فهمى وزير البيئة، قال فى تصريحات خاصة لـ"اليوم السابع"، إن عدد المحاضر التى حررتها الوزارة حتى الآن لحارقى قش الأرز منذ بدء موسم السحابة السوداء الحالى - أى منذ 40 يومًا فقط - تخطت الـ6 آلاف محضر، مؤكدًا أن نسبة المحاضر العام الحالى تخطت المحررة العام الماضى، نظرًا لتضاعف الكمية المنزرعة من الأرز بمصر، والتى وصلت إلى 1.27 مليون فدان.
وأضاف "فهمى"، إحنا بنطارد الحرائق وبنجرى ورا الحارقين ونناور بمعدات الجمع والنقل والكبس"، متابعًا "الفلاحين بيستسهلوا بحرق القش وإحنا مش هنبطل نطاردهم، وهنحرر محضر لكل فلاح مخالف لن نتصالح فيه".
عدد الردود 0
بواسطة:
جحت
و ما هي الغرامات المقدرة ؟؟؟
لا بد من غرامات رادعة و الا فلا فائدة من هذه المحاضر.
عدد الردود 0
بواسطة:
حازم
6 الاف محضر - هو انتو مابتتعلموش؟؟
ما هو لو 10 بس من ضمن 6000 دول اتعاقبوا بحق ربنا كنتوا وفرتوا على الاقل ورق المحاضر ده ناهيك عن الجريمة نفسها. اقولكم فكرة حلوة الغوا القانون وخلوها كده بدل ما تتعبوا نفسكم وتتعبونا معاكم .. يعني كل يوم محاضر - ويقول اغلاق مصنع فيه لحوم فاسدة واغلاق مش عارف ايه فيه مواد غذائية منتهية الصلاحية - الا عمري ما شفت ايه عقاب اللي اتقبض عليهم او ايه اخرت المحاضر دي كلها.
عدد الردود 0
بواسطة:
ديروطى
ياسياده وزير البيئه شوف حل للمشكله ده
نناشدالسيد وزير البيئه المهندس ياسر دسوقى محافظ اسيوط من اهمال وتجاهل مجلس مدينة ديروط ومجلس محلى جرف سرحان حيث يوجد بالقرية بنى يحى بحرى مصنع قطن يصنع من بواقى قماش وسط قتله سكنيه مع تلوث كامل للبيئه وقد حث قبل ذلك حريق هائل وستر ربنا مع سرقة تيار كهرباء مع التلوث الشامل للاتربه والدخان من هذا المصنع وغير ذلك ارجوكم ارحمو اهل القريه طبعا انه غير مرخص لانه مينفعشى يترخص وسط منطقه سكنيه العنوان بنى يحى بحرى ديروط محافظة اسيوط ارحمونا من مصنع قطن من بواقى قماش مستعمله وحسبنا الله ونعمه الوكيل الى مجلس مدينة ديروط ومجلس محلى الجرف
عدد الردود 0
بواسطة:
جلال عفيفي
لم نتغير
طول عمرنا نكتب محاضر ونعمل جداول ونقيم مؤتمرات وندوات ونشجب ونؤيد ونوافق ونرفض وكل ده إستهلاك وقت وسيارات للتنقل وورق للمحاضر وبدلات ومرتبات ومكافآت و..............ثم ينتهي كل شئ ويتم رفع الجلسات لحلول الأجازات الصيفية والبحر ونبلبط في الميه بالفلوس اللي سرقناها والرشاوي و.....ونتابع الإجتماعات الخريف القادم بمكافآت أكبر ومرتبات أكبر وصوت أعلي ومحاضر ضد مجهولين ..............ماهو لو قضينا علي اللي بيحرقوا قش الأرز هنعمل إيه السنة الجاية وهنقبض منين وهنجتمع مع مين، ومين هيصرف لنا البدلات والتنقلات وبدل السحابة السودة ودواء الكحة..............جتكم ستين نيله.