بالفيديو.. رمضان صبحى: "باخد درس خصوصى فى الإنجليزى.. عشان أقوى اللغة"

رمضان صبحى: "باخد درس خصوصى فى الإنجليزى.... by youm7

كشف رمضان صبحى، نجم المنتخب المصرى، ولاعب ستوك سيتى الإنجليزى، أنه لا يجيد التحدث بالإنجليزية جيدًا، ولجأ للدروس الخصوصية، قائلًا "باخد دروس إنجليزى عشان أقوى اللغة.. وغيرت المدرسة بتاعت الإنجليزى عشان مكنتش بفهم منها حاجة، وكانت زى ما تيجى زى ما بتروح، كأننا بنتعرف على بعض، ومش بتفهمنى حاجة وقلت أديها فرصتها عشان منظلمهاش بس ولا الهوى، والآن معى مدرس سورى".

وأشار "صبحى" فى حواره مع الإعلامى معتز الدمرداش، ببرنامج "90 دقيقة" المذاع عبر فضائية "المحور"، إلى أنه لا يجيد الإنجليزية بنسبة 80%، ولكنه يستوعب ما يدور فى الملعب، مضيفًا "بنقول جود مورنينج بس فى كلمة وسط اللعب بلاش أقولها".

وكشف لاعب ستوك سيتى الإنجليزى،  كواليس رحلته الاحترافية، مضيفًا " تمرنت جيدا وعملت اللى عليا والباقى على ربنا، ولكننى أكون حزينًا حينما استبعد عن اللعب، وكنت بتمرن مليون فى المية، والجهاز الفنى والنادى يقدروننى جيدًا"، متابعًا "طموحى ألعب.. وهما عارفين امتى هينزلونى والحمد لله قدرت اثبت إنى قد الفرصة وطموحى أكبر من كدا بكتير ولسه بدرى جدًا".

وحول وقوفه على الكرة، قال :"مجربتهاش فى إنجلترا ومفيهاش أى حاجة خالص، بس المباريات مشدودة وتفكيرى مع الفريق بشكل جماعى وكل تركيزى فى المباراة"، مضيفًا "الحركة دى بعملها أنا وصحابى من زمان جدًا لإظهار مهاراتى والناس فهموها بشكل غلط".

وعن وقوفه على الكرة فى مباراة الزمالك، قال :" لم أقصد استفزاز أحد، فأنا احترم جمهور مصر وخاصة الزمالك والحركة لم تكن لإهانة أحد، فنادى الزمالك ولاعبيه كبار وجمهوره محترم ولم أقصد الإساءة لأحد ونفكر فى اللى جاى.. والمفروض مفيش مشكلة فى الكورة وبقولهم خدوا الصورة بشكل كويس هتلاقوا الدنيا سهلة جدًا".