إيمان العاصى: "أشعر بالرعب من البؤس اللى بيعيشه أطفال العالم"

أعربت الفنانة إيمان العاصى عن حزنها الشديد من البؤس الذى يعيشه الكثير من الأطفال حول العالم، مؤكدة إحساسها بالرعب وحزنها بسبب ذلك.

وكتبت إيمان العاصى، عبر حسابها على موقع تبادل الصور "إنستجرام" قائلة: "دايما عندى إحساس بعدم الرضا ومهما فرحت أو عملت حاجة تبسطنى بكون برضه مش مبسوطة من جوايا مع أنى مقارنة بالأوضاع العامة أنا ربنا كرمنى قوى بس مش مبسوطة مش حاسة إنى مرتاحة خصوصاً من بعد ما بقيت (أم)".

وأضافت إيمان العاصى: "وجعى على كل أطفال العالم ومدى البؤس اللى بيعيش فيه كم هائل من الأطفال، بؤس حقيقي مرعب بيخلينى دايما فرحتى مكسورة ونظرتى للدنيا إنها ولا حاجة أحيانا كتير بكرة الحياة من كتر قسوتها بس بصبر نفسى بالوعد الربانى، نفسى أملك اللى يخلينى أقدر أنقذ جزء ولو بسيط من أطفال العالم، حكام العالم جميعاً بلسان كل طفل مشرد معذب فى عالمكم حسبنا الله ونعمه الوكيل".

تعليق إيمان العاصى