بالفيديو.. رواد القهاوى: بنهرب من دوشة البيت.. والشباب: بناخد الاصطباحة

قامت كاميرا فيديو 7 قناة اليوم السابع المصورة، باستطلاع رأى المترددين على المقاهى من جميع الفئات العمرية، بسؤالهم عن أسباب الجلوس على القهاوى.

قال عبد الله ممدوح أحد الطلاب بمعهد تجارة بالمقطم، "بحب أقعد على القهوة قبل الذهاب إلى الجامعة علشان أفطر وأشرب القهوة واصطبح بسيجارتين، لغاية ما يجى ميعاد المحاضرات وأمشى".

وقال باسم يحيى، "أنا بحب أقعد على قهوة بحس بفرح فى المكان وصحابها والقائمين بالعمل فيها ناس كويسة ومحترمين ومشربها نظيفة".

وأضاف محمود أحمد طالب بكلية حقوق، أن باخد مصروف من ولدى 30 جنيهًا يوميًا مع الغلاء وارتفاع الموصلات مش بحب أروح كل يوم علشان أوفر حزء من المصروف علشان لو فى يوم نجمع فيه أنا وأصدقائى ونخرج وكمان بنحب نقعد على القهوة علشان بنعرف نتكلم ونضحك فى أوقات فراغنا من الجامعة علشان كتر المحاضرات ومش بنعرف نتقابل بالجامعة يوميا، فبنجمع على القهوة.

وأما الفئات الكبيرة سننًا ورأيهم عن السبب وراء جلوسهم على القهوة تحدث طارق أحمد وشهرته "طارق حبيبية": "القهوة هنا مكان للهروب من دوشة البيت والعيال وأنا بحب أجى يوميًا على القهوة لتوفير الهدوء لقراءة الجرنال ومشربها رخيصة ونظيفة وشيشتها سالكة".