شارك القارئ قطب صلاح رمضان، خدمة "صحافة المواطن" باليوم السابع، قصيدة بعنوان " يعنى إيه كلمة وطن ".
وإلى نص القصيدة..
يعنى جندى بالعيون السمر
واقف على الحدود
يعنى ريحه من الجدود
يعنى إيمانك بجيشك
هوه وطنك
معنى باقى للخلود
زى عملك أكل عيشك
الجنود تحمى اللى صاحي
واللى نايم
كل جندى غالى عندى
زى كنز
الجنود ثروة وعز
لو بتكره يوم جنودك
تبقى مش دارى بحدودك
أو بأهلك
والشيطان يبقى صديقك
تكره البلد الأمين ..!!
تبقى زى عدونا
راصد لنا مليون كمين
إنت مين ..؟!
إنت مين من غير وطن ؟!
إنت جيفه بدون كفن
أو كلاب ملهاش سكن
إنت شئ ملعون أكيد
تبقى جاهل أو بليد
بس عايزك تفتكر
إن جيشك ضحى بالدم
اللى عمره ما كان
رخيص
لو هتنكر ..!!
تبقى فعلا مش معانا
ومش حسيس
وان أصلك كان خسيس
عُمْر ما يشوفك زمن
ولا حتى هتشوفك عيون
ولا يوم هتعرف
يعنى إيه كلمة وطن
شاركونا فى تحرير المواد الصحفية بإرسال الصور والفيديوهات والأخبار الموثقة لنشرها بالموقع والجريدة المطبوعة، عبر خدمة "واتسآب اليوم السابع" برقم 01280003799، أو عبر البريد الإلكترونى send@youm7.com، أو عبر رسائل "فيسبوك"، على أن تُنْشَر الأخبار المُصَوَّرَة والفيديوهات باسم القُرّاء.
تم أضافة تعليقك سوف يظهر بعد المراجعة