بالفيديو جراف.. كيف يصل الدعم لمستحقيه؟.. الظروف الاقتصادية تفرض فتح الملف.. الحكومة تبدأ بتنقية بطاقات التموين ليصل للفقراء.. ومطالب برلمانية بتحويله من عينى لنقدى.. و 40 مليونا يحصلون عليه دون حق

عدد الردود 0

ارحموا الشعب يا حكومه

لو الحكومة دي بجد بدور علي توصيل الدعم لمستحقيه فعلا وتشيل الدعم من الاغنياء زي ما بتقول يبقي ليه تزود سعر السولار وبنزين 80 اللي هو بنزين الغلابه والسولار اللي بيوصل كل السلع للغلابه نحسبها بالعقل مين بيستخدم بنزين 80 التاكسي او مواطن بسيط راكب عربيه 128 ولو طبقه وسطي يبقي اكسنت موديل اوائل الالفينات خلينا في التاكسي وبعض عربات الميكروباص والتوكتوك ايه اللي هيحصل الاجره هتزيد مين بيركب دول الاغنياء اللي عايزين تشيلوا الدعم منهم ولا الغلابه اللي الحكومه نزله فوق دماغهم بقرارات ظاهرها الرحمه وباطنها العذاب نيجي بقا للمصيبه الاكبر وهو السولار اللي كل عربيات النقل والباقي من الميكروباص شغالين بيه خلينا في عربيات النقل معني الزياده دي ان كل السلع بلا استثناء هترفع سعرها باسعار مبالغ فيها لو اللتر زاد 5% بس انتظر ان السائق هيطالب بزياده الاجره 50% وطبعا السلع هتزيد عشان رجال الاعمال الوطنين بتوعنا مش عندهم قابليه ان هو مثلا بيكسب دلوقتي 10 بكره يكسب 9.99 لا دي جت من الحكومه استغل الظروف واقول اسعار النقل زادت واكسب 20 بدل 10 والكلام ده من واقع تجربه في شغلي لو الحكومه دي فعلا بتهتم بالغلابه ترفع بنزين 92 و 95 زي ما هيا عايزه لو حتي قالت السعر 15 جنيه واحد معاه بي ام ولا مرسيدس مش هيمونها بنزين اقل من 95 وده اما مالتي ملونير او مليادير مش هيفرق معاه اي زياده واللي معاه اسكودا تويوتا فئه العربيات الوسطي دي مش هيمونها اقل من 92 وده مليونير او قرب يبقي ملونير وبرضه مش هيفرق معاه كتير زياده سعر البنزين لكن الحكومه تيجي علي مين الغلابه اللي مطحونييييييين حرام عليكم والله دا احنا شعب غلبان وما نستاهل كل ده اتقوا الله فينا دا الجنيه يفرق معانا وبصوا للناس اللي الالف جنيه بالنسبه ليهم فكه الله يرحمك يا عبدالناصر فعلا كنت نصير الغلابه وحاسس بيهم ملحوظه الحمد لله نزلت 25 يناير و 30 يونيو يعني بلاش مزايدات بالله عليك انشر يا عم اهو كلام لا هيقدم ولا هياخر تحصيل حاصل

عدد الردود 0

تعليق رقم 1 بالراحة شويه وحياة والدك

اولا ملعون ابو البنزين والسولار إللى معاه فلوس يشترى عربيه يقدر يشترى البنزين ده اولا! السيارات الأجرة هيوصل لها الدعم ومش هتكون بنفس سعر الملاكى ان شاء الله . وبعدين العيب فينا احنا بمعنى ان السواقين والتجار هم إللى بيرفعو الأجرة بمزاجهم وبيتلككو لاى زيادة حتى لو 10 قروش بيزود عليك بالجنيه والعشرة بسبب 10 قروش احنا إللى وحشين مع بعض !! انا عايش خارج مصر ولَم ارى شعب بيكره بعضه وحكومته زى المصريين انا فى دوله بتستورد كل شئ وسعر لتر البنزين 92 فيها ما يعادل 23 جنيه مصرى ! يعنى حضرتك يا ريت تكون ايجابى وبلاش نسيب شوية سواقين وتجار جهله يضحكو علينا تحت مسمى أصل البنزين غالى ولا السكر غالى لا ده الأرز غالى .... كلام فاضى كله وناس حراميه

عدد الردود 0

لرقم 1 لما اللى معاه عربية 128 مطحون طب اللى معاه عجله يبقى ايه

ياسيدي سافرت دول عديدة وكلها تماثلنا او اقل منا اقتصاديا والاسعار بعد الزياده اقل بكتير منها ، ثانيا كيف ستطور التعليم والصحة وثلث الميزانية يذهب للدعم اسما ولا يصل لمستحقيه فعلا وأقسم لك بالله مصريين كثير بالخارج ودخولهم تصل الى ما يعادل 20 و30 الف جنيه شهريا ولديهم بطاقات تموين ، وصول الدعم لمستحقيه سيخفف عن الطبقات المعدمة اثار برامج الإصلاح والتى أصبحت ضرورة لا مفر منها

عدد الردود 0

يذهب للمليونيرات

ذهبت يوما لشراء الخبز من احد مخابز قريتنا القابعه فى الصعيد اعطانى صاحب المخبز ماكينه قراءة البطايق فوجئت ببطاقة سيدة ثروتها لا تقل عن 30 مليون جنيه بالبنوك وتمتلك اراضى فضاء شاسعه تتعدى ايضا الملاييين (تزاحم الفقير فى رغيفه المدعوم ) عجبى على الطمع فلابد من مراجعة دقيقه حتى يصل الدعم لمستحقيه

عدد الردود 0

بنزين 95

حد لاحظ ان بنزين 95 مرفعش اصلا ده بتاع عربيات الاغنياء من انواع معينه من نص مليون وانت طالع هى مش برضه الفاتوره الاستيرغاديه اتضاعفت عليه وع فكره برضه مزدش سعره المره اللى فاتت ويقولك محدودى الدخل ومش قادر يفتح بقه مع الغنى

عدد الردود 0

الغلبان

قلنا من زمان الغو الدعم وتصفية المستحقين وخلية دعم نقدى العباقرة لم يفهموا واحد بيركب عربيةبمليون جنيه عيحس بالبنزين ب10جنيةولاب15جنية ولا السكر بكام الحكومة تقدر على الغلابة

عدد الردود 0

هتشفوا العجب

يا رقم 4 لو عملوا تحقيق و لاصحاب البطاقات هتشفوا العجب و يلغوا اكتر من نصف البطاقات انا لي جيران عندهم اكثر من عمارة فارعة يدخل عليهم ايجارات اكثر من 12 الف و لهم بطاق و الادهي انهم قدموا في برنامج تكافل و كرامة و قدموا الاوراق للحصول علي منحة الفقراء و غيرهم و غيرهم