فوجئ متابعو الفنان أحمد حلمى عبر موقع تبادل الصور إنستجرام، بحوار ساخراً له يتحدث إلى يومه، موجهاً له العديد من الأسئلة ومطالباً له بعدم المرور سريعا، ومنتقداً ايضا له ثباته أمام الفقراء وساكنى المقابر.
وكتب أحمد حلمى واصفا يومه ومتحدثاً إليه فى حوار خيالى قائلاً :"يوم جديد.. تصحى الصبح تلاقى نفسك واقف قدام يومك الجديد وبتكلمه وتقوله.. عندى مشاوير ومواعيد كتير.. ياترى هالحق أعمل فيك إيه؟"، كما طالب حلمى الأيام فى حواره الخيالى بعدم المرور بسرعة، مضيفاً: "بقولك أيه يايوم..مابلاش تعدى النهارده بسرعة زى كل يوم..خليك أنت مختلف عن أخواتك الايام .. رد عليا بغلاسة..لا هاعدى - مممم .. طب هدي شويه وأنت بتعدى أبوس إيدك ده أنا عندى مشواير كتير..أنا مالى .. أنت وسرعتك وبقى.. طب ارجوك تعالى على العصر كده وريح شوية".
وانتقد "حلمى" يومه فى مقالة قائلاً " لاترجوني ولا أرجوك.. أنسى .. حاسب شويه كده بقى علشان عايز أعدى..استنى بس.. هو أنت بتعمل معايا كده ليه.. اشمعنى أنا.. ده أنا بشوفك مع الناس اللى على القهوة بتعدى فى تلات أيام .. وبشوفك واقف بتتفرج علي وجع العيان ومش عايز تتحرك ولا فارق معاه آلمه".
وتابع قائلاً : "بشوفك مع النايم نايم جنبه وكانك مش عايزه يصحى..وبشوفك وسط المدافن قاعد ومتبت وسط أهل الميت ومش عايز تمر وكأنك شمتان فيهم وفى ميتهم .. وبشوفك مع المكسور من حبيبته والموجوع فى قلبه مبتتحركش وكأنك فرحان بوجعه وكسرة قلبه .. أنت ليه مع كل واحد موجوع بيقول امتي اليوم ده يعدي مبتعديش".
أحمد حلمى عبر انستجرام
عدد الردود 0
بواسطة:
ميمو
مش مقنع
يا أحمد انت من الناس اللي عيشتها ارتاحت فبلاش تتكلم عن اليوم وصعوبته وتقله على البسطاء لان انت عايش في عالم تاني خالص ومش ناقصك حاجة ... المرة دي اداءك مش مقنع
عدد الردود 0
بواسطة:
Ahmed khorshed
مشغول جدا
واضح انة مشغول و يومة قصير جدا لدرجة انه ما لحقش يكتب الا الكام سطر دول بس ... حلمى بقا فيلسوف
عدد الردود 0
بواسطة:
رافت الحصري
احمــــــــــــــــــد حلمـــــــــــــــــــــــــــــــي
احمد حلمي انسان جميل انت موجوع كتير انت مهموم كتير انسان يدرجة ملاك فيه حياه جميله جايه مستنياني ومستنياك احمد حلمي ملاك عايش في غابه احب اقولك مش الناس كلها ديابه خلاصة الكلام يا همام قرب لرب الانام ما هو اللي خلق الايام احمد حلمي انسان جميل