كان لسه بيكتب أول سطر
سرح مش عارف يكتب أيه
محتار يوصف الحال بالظبط
ولا يغير ويحسن فيه
عمال يحسبها وعقله ف ضغط
خايف على زوجته وعلى والديه
ماهو أصله مسافر من كام شهر
والراتب متحصلش عليه
غرقان وكإنه قشة ف بحر
والموج عمال بيحدف فيه
أصل كفيله الشيخ أبو شعر
استندل من غير إيه أو ليه
وبدأ يستحضر فى جوابه
بسم الله الرحمن الرحيم
أبويا الغالى أمى الغالية
زوجتى رفيقتى أخره ودنيا
إن كان ع الحال أنا هنا عال
وإن كان ع الشغل أنا شغال
إياكم فاكرينى فى غربه
دا كإنى ف بلدى التانية تمام
راح أشيلكم م الفقر الضلمة
وراح أعوض كل سنين حرمان
ودموعه بتنزل ع الورقة
وعمال بيعفر بالدخان
أتارى الحبر إللى ف قلمه
من قبل ما يبدأ كان خلصان
والورقة اللى كتبها بدمعه
طبقها وشالها وصلى ونام
عدد الردود 0
بواسطة:
اة يانى
رائعة
فعلا كلمات رائعة يااستاذ عصام كلمات بسيطة وسهلة وكانها مشهد سينما متكامل