للمرة الثانية خلال 3 أعوام، وضعت ربة منزل بمدينة طما بمحافظة سوهاج، 3 توائم "ولد وبنتين" بعد وضعها العام قبل الماضى 3 توائم كانوا إناث.
وقالت رانيا 30 سنة، والدة التوائم الستة، إننى أقيم بساحل طما برفقة زوجى الذى يعمل سائقا للتوكتوك، وأنها اختارت ووالد الأطفال أسماء لهم هى: "مظهر" على اسم الطبيب الذى يقوم بعملية المتابعة، و"سما ويارا".
وعبرت عن سعادتها بعد أن رزقها الله بولد على 5 بنات، وأنها تناشد محافظ سوهاج ووزير الصحة بتبنى حالة توائمها الثلاثة الجدد وأطفالها جميعا، لأن ظروفهم المعيشية صعبة، والتوائم يحتاجون لرعاية ودعم وغذاء.
ومن ناحيته، قال الدكتور مظهر عطية، الذى أجرى عملية الولادة ومتابعة الأم أثناء فترة الحمل، أن حالة الأم مستقرة، وأن الولادة كانت قيصرية، وأن الأطفال الثلاثة حالتهم جيدة، ولم يحتاجوا الذهاب إلى حضانة طبقا لما قرره طبيب الأطفال أشرف رضوان الذى أجرى الكشف على الأطفال عقب الولادة، وأكد أن حالتهم الصحية جيده وأوزانهم طبيعية.
عدد الردود 0
بواسطة:
أحمد بسيوني
وطبعا المفروض أن الدولة وإحنا نشيل هم ال6 اللي جايين على مرتين
وطبعا المفروض أن الدولة وإحنا نشيل هم ال6 اللي جايين على مرتين ويرجعوا يعيطوا ويقولوا مش عارفين نعيش في الدولة سيبانا ليه!!!!!!!!!!!!!!!!!!!! لن تتحمل الدولة هذه النوعية حرام كفاية بأه وصلنا ل92 مليون والأكثر إنجاباً هم الاكثر فقراً
عدد الردود 0
بواسطة:
Moaz
لا اله الا الله سيدنا محمد رسول الله
الواحد مننا بالبلدى وبدون اللجوء لمصطلحات وتعبيرات لغوية مش مغسل لاوضامن جنة خلف مرتين وربنا رزقه بستة أطفال هيقول لا !!!!!!!!!!!!!!!! ربنا يبارك ويوسع رزقه
عدد الردود 0
بواسطة:
شهيرة
غريبة والله
يعنى ربنا من سنتين بس أعطاك 3 أولاد تقومى تحملى تانى حتى مفكرتيش تريحى شوية ولما بقوا سته اكتشفتى أن جوزك سواق توتوك وغلبان ومحتاجين مساعدة وانا واثقة كلها خمس سنين وهنلاقى العيال دى اما شغالة فى ورش أو مع أول خلاف بين ابوهم وأمهم هيتحولوا لاولاد شوارع ويرجعوا يلعنوا فى البلد !! ياريت كل واحد قبل مايجيب أولاد يسأل نفسه هل عنده القدرة المادية والصحية لتربيتهم تربية صحيحة ولا بيجبهم وخلاص ؟ ؟
عدد الردود 0
بواسطة:
amr.box
بسم الله ماشاء الله
أولااً احب أهنئ الأب والأم بأطفالها الثلاثه واقول لهم من كل قلبى ألف مبرووووووووووووووووووووووووووووووووووووك لكم وجعلهم الله ذرية صالحه وبارين بكم أن شاء الله ونصيحتى لكم أهم شئ الاهتمام بهم ورعايتهم أخلاقياً ودينياً والباقى على الله وسيبكم من اى هم اخر ربنا موجود وهو الرزاق الكريم اهم شئ ان يتربوا بالحلال وكلنا نحن بجانبكم مسلمين وأقباط اخوة ويد بيد . ثانياً تعليقاً علي التعليقات الرافضة.. احب اقول له بدلاً من ان تقول كلمه طيبه وتبارك لهم اصمت افضل من تعليقك المستفذ وربنا يحفظهم لوالديهم وبعدين ماحدش ضربك على ايدك ولا مد ايده فى جيب حضرتك وقال تصرف عليهم وزى مافى ناس زيك ومأيداك فى الكلام دا بردو فى ناس مع الاب والام بقلوبهم و الوقوف بجانبهم والاهم ان الله معهم وهو المستعان والرزاق الكريم ...... وشكراً
عدد الردود 0
بواسطة:
محمد يسرى
الى رقم 2
هو لازم الواحد يخلف مرتين ؟؟ هو خلف مره ربنا رزقه ب 3 و ظروفه صعبه يبقى خلاص كفايه كده
عدد الردود 0
بواسطة:
مصرية
توقفوا ...
يعنى انتى مبتشتغليش وجوزك سواق توكتوك وعندكم 3 بنات تقومى تروحى تحملى تانى عشان تجيبى 3 تانيين وفرحانة ان جه فيهم ولد ع الـ5 بنات ؟؟؟ ع اساس ان الولد هيطلع ايه ؟؟ نابليون مثلاً ؟؟ انتوا لسه بتفكروا ف ولد وبنت !!! وبعدين تعيطوا الدولة مش شيلانا ؟؟ حضراتكم الناس اللى زييى بتشتغل وتدفع جزء غير بسيط من دخلها ضرائب ومبتتعلمش ف مدارس الحكومة ولا بتتعالج فى مستشفيات الحكومة ولا بتركب مواصلات عامة وبنخلف طفل او اتنين بس : وربع دخلنا اللى بيتخصم ده بيروح عشان خدمات لناس زى حضرتها مفروض ان الدولة تدعمها عشان محدودة الدخل ؟؟ تقوموا حضراتكم تخلفوا قرطة عيال يطلعوا ف الآخر ايه ؟ اوقفوا عشوائية الإنجاب ........
عدد الردود 0
بواسطة:
عايدة
نصيحة من طنط مخلفة 4
ارجو من الشباب ان ياخد بالة كويس الخلفة الكتير في هزا الزمان عبء و انتحار طفلين كويسس و اللي رزق بثلاثة يحمد ربنا اوي و اللي عندة 4 اللة يكون في عونة نصيحة من واحدة مجربة ارجكوا فوقوا كويس
عدد الردود 0
بواسطة:
مصريه حزينه
اعقلها وتوكل
سبحان الله الواحد لما بيكون مقتدر يخلف 3 مرات اكثر حاجة لانه بيفكر في مصاريفهم وازاي هيقدر يربيهم ويعلمهم كويس لكن انتي ظروف معشيتكوا علي الاقد وجوزك سواق توكتوك ويمكن كمان شغال علية مش ملكة يعني المفروض عيلين اوتلاتة كفاية اوووووي في الظروف والعيشه الغالية اللي بقينا فيها ( مش تخلفي وترمي وتلفي تشحتي عليهم ) اتقوا ربنا شويه بقي البلد مش ناقصة قرفكوا فوقوا بقي هتفضلوا في الجهل والعشوائية دي لحد امتي؟؟؟؟؟؟؟؟
عدد الردود 0
بواسطة:
محمود فهمي الجندي
الارزاق بيد اللة
ربنا سبحانة وتعالي هواالذي يخلق وهواالذي يرزق ويقول سحانة في حديث قدسي لا تخشي من ضيق الرزق مادامت خزائني ملئانة وخزائني لانفد ابدا ==== ويقول سبحانة وتعالي -في سورة الذاريات ان اللة هوالرزاق ذوالقوة القوة المتين وندعوالهم ان يجعلهم قرة عين والديهم ويجعلهم صالحين غير منحرفين وينفع بهم البلاد والعباد
عدد الردود 0
بواسطة:
ايمان
دول كتير بيحكمها ستات و بتحمى و بتسلف دول بيحكمها رجاله، خلينا احنا ف الجواز و الخلفه و الواد و البت
ميهمكمش ربنا حيكرمهم، فقريبا حيعملوا بفتاوى الخرفان و السلفيين و حيتاجروا ف البنات بتزويجهم لخليجيين من سن 9 سنين و الواد اللى حيموتوا عليه حيبعتوه فى هجره غير شرعيه يا يوصل اوروبا و يبعتلهم المعلوم يا يغرق و يرجعوا يولولوا! اصلا تفرق ايه مع الاب و الام مسألة واد او بنت، هم حيتجوزوهم! دول ولادهم و غريزة الامومه و الابوه بتتحقق بولد او ببنت و اللى بقوا متساويين و بيشتغلوا و بيشيلوا مسئوليه و بيفتحوا بيوت لو اتعلموا كويس و صحتهم كويسه، ليه مش عارفين نتخلص من ثقافة الجاهليه الوهابيه اللى جايبانا ورا ف كل المجالات؟! فيه دول كتير بيحكمها ستات و بتحمى و بتسلف دول بيحكمها رجاله، خلينا احنا ف الجواز و الخلفه و الواد و البت!