أكد اللواء محمد على مصيلحى وزير التموين، أنه سيتم بدء تنقية بطاقات التموين بداية من شهر يناير المقبل، عن طريق لجنة مكونة من 6 وزارات، وذلك لمعرفة من هو المستحق للدعم وغير المستحق، موضحًا أنه سيتم رفع الدعم عن غير المستحقين من متوفين والمسافرين خارج البلاد على الفور، بالإضافة الى تطبيق غرامات على البطاقات التى بها افراد متوفين أو مسافرين خارج البلاد عقب انتهاء الفترة المحددة لهم.
جاء ذلك خلال الزيارة التى قام بها الوزير يرافقه الدكتور هشام عبد الباسط محافظ المنوفية، لافتتاح تطوير سلندرات بمطاحن شبين الكوم.
وأضاف، أن ما يقال عن قلة الدعم المقدم من وزارة التموين ليس له اساس من الصحة، مؤكدا ان الدعم زاد بنسبة 30٪ حيث ارتفع من 41 مليار الى 49 مليار، وهذا دليل واضح على زيادة الدعم، بالاضافة إلى زيادة الدعم المقدم للفرد من 18 جنيها الى 21 جنيها تموينًا بالإضافة إلى فارق الخبز.
عدد الردود 0
بواسطة:
أبو الشيماء
حلول لمواجهة ارتفاع الأسعار
رجاء من وزارة التموين تفعيل دورها فى الرقابة على الأسواق ......... الأسعار منفلتة بطريقة مرعبة مش معقول وزارة التموين كلها مشغولة ببطاقات التموين وتنقيتها .... ده موضوع واحد لايشغل المواطن ان الدعم الذى تقدمه الحكومة ضئيل جدا بالنسبة له ولكنه كبير جدا كرقم اجمالى فى الموازنة العامة للدولة .... ياوزارة التموين : فين انضباط الأسعار ورقابتها ........... ارحمونا من الأخبار المستفزة يوميا عن الدعم وبطاقات التموين ........... أخبار البحث عن الحلول وايجادها وتطبيقها وتأثيرها على الأسعار فى الأسواق أفضل من تكرار الأخبار عن موضوع واحد .........
عدد الردود 0
بواسطة:
هشام
المسافرين للخارج
حلوه عجبتني كلمة المسافرين للخارج يعني على أساس الراجل ترك وطنه وأولاده وبناته وأهله ومعاهم خزينه مليانه من المال والمجوهرات وسافر علشان ينبسط ويتفسح في الخارج ، يعني متركش دا كله من دنك العيشه في بلده وحاجته هوا وأهله لمصدر دخل بسيط يوفر به حياه لأسرته بدل مايسرق ولايرتشي ولاينضم لجماعات أرهابيه ، الدوله كده بتكافئه وبتشيل من عليه التموين ، على أساس أنه قاعد في الغربه وفاتح شوال وكل واحد بحطله فيه فلوس ، مهواش طالع عين أهله ، دا غير أن الدوله أللى هو فيها عايزه تمشيهم علشان تشغل أبنائها ، وعمال تفرض ضرايب ورسوم تأشيرات وخلافه ، يعني ننزل ونشحت ، ولا ننزل ونسرق ، ولا ننزل وننضم للجماعات ، حـــــــــــــــرام عليكم ... حسبنا الله ونعم الوكيل فيكم شحتوا الشعب ولسه أللي جاي ربنا يعلمه .... يارب القيامه تقوم وتريح الناس من الهم والغم والقرف .. ما انا لو أبن وزير ولا صاحب منصب وبستلم راتب فوق 25 ألف جنيه كنت سكت لكن " حسبنا الله ونعم الوكيل "
عدد الردود 0
بواسطة:
مصرى
فى افراد وهمية فى بطاقات التموين
يجب السرعة فى هذا الامر يوجد اسامى وهمية على معظم البطاقات التمونية الاسرة بتكون 4 افراد بس وفى البطاقة 9 افراد دة علشان فى موظفين شمال
عدد الردود 0
بواسطة:
مصري
نقول لوزير التموين انت تبحث عن الغاء البطاقات لتقليل الدعم والبرلمان جلسات مفتوحه
تقولون انكم تريدون الغاء الدعم ونجد من الناحيه الاخري برلمان يصرف حضور جلسات حتي يصرف اموال ايهما يستحق الالغاء ووقف الجلسات لان كل ماتقللونه من البطاقات يصرفه البرلمان علي اعضائه في جلسات مفتوحه يعني كأنك ياابوزيد ماغزيت ولا رحت ولا جيت طبعا هذا الكلام لن ينظر له ولكنه تخطيط غير مكتمل ازاي البرلمان مازال لم يقفل جلساته او يكون في حاله الطوارئ فقط او ان يكون عمله مجاني ونحن في ازمه وكل شويه تقولون الغاء الدعم طيب ماتلغوا الدعم لما يقبضونه اعضاء البرلمان مفيش فايده كما قال سعد زغلول وكما قالت صفيه غطيني وصوتي ياصفيه انشر وشكرا
عدد الردود 0
بواسطة:
ابو كريم
كلام حقيقي
الي الاخ هشام تعليق 2 كل كلامك منطقي جدا جدا والدولة بتكافيء المسافرين لانها شايفة انهم بيعبوا ويغرفوا دولارات وريالات ده وجهة نظرها لكن الحقيقة المرة لايحسها الا صاحبها لك الله ياشعب مصر
عدد الردود 0
بواسطة:
صاحب معاش
المعاشات المعاشات اياكم والمعاشات
صاحب المعاش دخله محدد ومحدود . لا حوافز ولا مكافآت ولا أجور اضافية ولا بدلات . والاسعار لهلبت والحمد لله على الستر .
عدد الردود 0
بواسطة:
نبيل
السعودية
هو اللى مسافر هيلاقيها من بلده ولا من البلد اللى متغرب فيها . انتوا عاوزين ايه من المسافرين انتوا حاسين باحوال المسافر . الله يلعنكم دنيا واخرة هتعملوا ايه فى الشعب اكتر من كده الناس مش لاقيه تاكل ياظلمة هى دى مصر .حسبى الله ونعم الوكيل فيكم
عدد الردود 0
بواسطة:
دعاء حمدى
من لا يستحق الدعم من التموين
ارجو بعد حذف الدعم توفروا السكر والزيت والارز بدل البهدله مع التجار
عدد الردود 0
بواسطة:
عبدربه جمعه عبدربه عبدالعال
البطاقه
انا موطن عيش لواحدي انا ومدام البطاقه عملته اديلي 2سنه لسه موصل مش عرف السكر غالي والزيت ايه الحل يا رب علشان ختر ربنا ابعت البطاقه التموين انا محافظه اسيوط مركز ديروط قريه مساره مكتب تموين مساره
عدد الردود 0
بواسطة:
محمدغزال ليثي
فين حقي
تقدمت لاستخراج بطاقةتموين اناواسرتي المكونةمن6افرادوقالولي لازم تعمل بطاقةليك لوحدك وبعدكدةتضفهم لبطاقتك ماشي وعملت كل المطلوب وبعدكل دة من 2015 قالولي اعمل طلب جديد عملت بردةكل المطلوب من شهر5 لسنة2016لحددلوقتي مفيش بطاقةمع العلم غلوالاسعاروشغلي اليوم بيومىة ارجو الحل