عيون مليانه حُزن
وعيون من الفرح تِدَمَع
وعيون تاخدك بالحضن
وعيون من خوفها تِلمع
لـ دمعه بتحكى حكايه
وحزن فـ حكمته أية
لـ روح فـ وجعها سفر
وروح فـ سفرها راحة
لـ فرص ضاعت
وغيرها مُتاحة
لـ قلوب تسامح
وقلوب تشيل
لـ عُمر ماشى
بـ حِمل تقيل
فـ ألم فاكر فـ ضحكته فَرَح
وياما حبيب فـ عشقه اِنجرح
فى سكه تفرق
وسكه تجمع
فـ ليل طويل
وحزن متجمع
لـ لهفة على كلمة تبل الريق
لـ دايرة تلف حوالينا وتضيق
وبقينا نقطه بين الفواصل
فى فيلم حصرى عالأحزان
بيطلع بينا الفرح فاصل
ويرجعنا لنفس المكان
نغسل العين
ونخبى أسرار
ونكتف الروح فـ الوحدة
سر فركش ملامحنا
وتبان حتة واحدة
فـ بقينا فـ الآخر كده حد شبهنا
وخدنا من بعض حاجات تشبهنا
بنقرأ بعض
لكن مش فاهمين
أو فاهمين ونقصد منسألش
كل واحد فينا كان نفسه
يعبر عن حاجات
مش قادر يقولها أو متتقالش
