والله ملاقى كلام
غير أنى أبكى وأنوح
حاسس أنى عايش
زى الطير المدبوح
خايف أقول كلام
ويتطلع مش مسموح
البدروم اتقلب
وجيه مكان السطوح
لو الرجولة شنب
يبقى الرجولة تروح
الرجولة إصرار
الرجولة أفكـــــــــــــار
لكن إحنا بنحب الفتة
وبنعشق المنبار
عيش مرة قط
ما أنت طول عمرك فار
جرب فريد شوقى
كفاية على الكسار
جرب تبقى راجل
فهمت يا حمــــــــار
ومتخفش من مراتك
ولو كانت جزار ؟؟؟
![أشرف أبو زيد محمود يكتب: مش لاقى كلام أشرف أبو زيد محمود يكتب: مش لاقى كلام](https://img.youm7.com/large/s420094161112.jpg)
مشاركة
اضف تعليقاً واقرأ تعليقات القراء
مشاركة
لا توجد تعليقات على الخبر
تم أضافة تعليقك سوف يظهر بعد المراجعة