هبة عرفة تكتب: بنت لسه بضفاير

عن بنت فى أمم التقاليد ....
والعمر رابطها مليون قيد ..
عن بنت بتضحك نص ضحكة ...
علشان الضحك بيقولوا دا عيب ...
عن بنت قالولها القطر فات ...
علشان نصيبها مجالوش ميعاد ..
عن بنت اخدة الدنيا على كيفها ..
والناس بأخلاقها تصنفها ......
عن بنت عايشة فى مغارة ...
سبها نصيبها بإشارة ......
قالوا فيها العيب أكيد ...
عن بنت لسه بضافير ..
قيدوها بالأساور ....
عن بنت لابسة الأحزان ...
وياه همومها مش عارفة تنام .
عن بنت لسه بطبيعتها ...
جاية من الأرض بطينتها ..
وقالوا ياعينى على سذاجتها ...
لسه فاكرة الدنيا تمام .....
عن بنت متشعبطة بأحلامها ...
قالوا ياعينى على أوهامها ......
بكرة تندم على الأيام ....