يترقب المواطن المصرى الإعلان عن التغير الوزارى الجديد، خاصة عند اقتراب موعد إلقاء بيان الحكومة أمام مجلس النواب.
"اليوم السابع" استطلع أراء المواطنين فى تشكيل الحكومة الجديدة، فكان لقائنا بالمواطن حسن غانم الذى قال "أطالب بتغير الوزارة كلها.. المشكلة هى أننا فى تغير مستمر للوزارات ولا جديد".
وطالب مواطن أخر رفض ذكر اسمه بإقالة الوزارة بأكملها قائلاً "أنا بطالب بتغير الوزارة كلها.. وتجيبوا وزارة تشتغل شوية".
وطالب ثروت حمدى بإقالة وزير الإسكان، مضيفاً "مش عاوزين وزير الإسكان، مقدمين على الشقق ومفيش حاجة اتنفذت"، وقال آخر "شيلوا وزير التعليم معناش ندفع فلوس كل يوم للدروس الخصوصية".
وأما محمد أحمد بائع جرائد فقال" الوزارات اللى بتحتك بالشعب لازم تتغير.. عاوزين وزراء ميدانين ينزلوا يحتكوا بالشعب ويشوفوا مشاكلهم".
وقال محسن عبده "مهما غيرنا فى الوزارات هما هما.. ما بيعملوش حاجة مافيش تغير"، أما آخر فقال "كل الوزارة تتغير كاملة عاوزين الناس اللى مش باصة للفلوس".
ويقول ناصر ويعمل جزار :" كل الوزارة تمشى "، وأخر قال " أصلاً الوزارة كلها منعرفش عنها حاجة ما شفناش منهم حاجة جديدة، الوزارة دى عاملة زى ماتش الكورة بينزل لعيبة عشان نتيجة وفى الأخر مفيش".
بالفيديو.. مواطنون عن التعديل الوزارى المحتمل: "لازم الحكومة كلها تمشى"
الأربعاء، 23 مارس 2016 04:12 ص![بالفيديو.. مواطنون عن التعديل الوزارى المحتمل: "لازم الحكومة كلها تمشى" بالفيديو.. مواطنون عن التعديل الوزارى المحتمل: "لازم الحكومة كلها تمشى"](https://img.youm7.com/large/32016234813330مواطنون-عن-التغير-الوزارى-الجديد--لازم-كلها-تمشى-مافيش-جديد.jpg)
كتبت - منة الله حمدى
مشاركة
اضف تعليقاً واقرأ تعليقات القراء
مشاركة
اضف تعليق
تم أضافة تعليقك سوف يظهر بعد المراجعة
عدد الردود 0
بواسطة:
السعدني
إحنا شعب كسول !