فى زاوية بعيده بحى السيدة زينب يجلس راجل يبلغ من العمر 65 عاما ، يختبئ من شعاع الشمس المحرق ، الذى ترك بصمته على ملامحة الحزينة والتى تظهر على عينه الممتلئان بالدموع وخطوط وجهه العريضة البارزة الذى تعبر عن ملامحه المصرية ، لكى يمارس مهنه على وشك الاختفاء ، مهنة” صانع الأقفاص الخشيبة”.
” أنا بقالى 40 سنة بشتغل فى المهنة دى ووارثها أبا عن جد ، بقوم بشراء جريد النخيل من الفلاحين ، لتصنع الأقفاص الخشبية ” بتلك الكلمات بدأ عم محمد عباس حديثه لكاميرا فيديو 7 قناة اليوم الساب المصورة
وتابع :”المهنة خلاص راحت عليها فين وفين لما حد بيطلب اقفاص للحمام أو للفراخ أو اقفاص للعيش .. أنا بعمل القفص بـ 15 أو 25 جنية على حسب المقاس..بيتجى عليه أيام مش بشتغل فيها خالص وخصوصا فى موسم الشتاء” .
واستطرد :” أدواتى عبارة عن سلاح للتقطيع وخشبة تسمى ثقيلة وخشبة أخرى تسمى خفيفة وبعض المواسير الصغيرة لعمل الثقوب بها ” ، مشيرا إلى أنه يقوم بصناعة كراسى من جزع النخل ولكن حسب الطلب على حد قوله.
وأضاف:” كان عندى محل لكن صاحب البيت استغل سفرى وجاب أمر إزالة وتردنى من المحل من 9 سنين .. وأنا من ساعتها قاعد فى الشارع كدا مش عارف أعمل ايه مليش شغلانه غيرها”.
وأضاف قائلا :”أنا مليش معاش وعايش أنا ومراتى وأمى فى البيت واللى بشتغل بيه بناكل بيه”،مناشدا المسئولين : “نفسى فى محل أعيش منة أو معاش .. أنا كل اللى عايزه أعيش مستور وأموت مستور .”
بالفيديو..”عم محمد”:40 سنة فى صناعة الأقفاص ورمونى فى الشارع..يوميتى 15 جنية ونفسي أموت مستور”
الإثنين، 07 مارس 2016 01:45 م![بالفيديو..”عم محمد”:40 سنة فى صناعة الأقفاص ورمونى فى الشارع..يوميتى 15 جنية ونفسي أموت مستور” بالفيديو..”عم محمد”:40 سنة فى صناعة الأقفاص ورمونى فى الشارع..يوميتى 15 جنية ونفسي أموت مستور”](https://img.youm7.com/large/320167134245844MOHAMED.jpg)
كتبت :رشا إمام
مشاركة
اضف تعليقاً واقرأ تعليقات القراء
مشاركة
لا توجد تعليقات على الخبر
تم أضافة تعليقك سوف يظهر بعد المراجعة