هذا السؤال الذى ربما لم يعد منطقيًا الآن، لم يعد مطروحًا ولكن حلت محله أسئلة أخرى ربما تعبر بشكل غير مباشر عن أبرز مخاوف الأمهات لحظة الولادة أو أبرز أحلامهم بشأن المولود، ولهذا سألنا الأمهات "إيه أول حاجة سألتى عنها بعد الولادة؟" وإليكم الإجابات..
البيبى عنده شعر؟
هذا السؤال الذى يركز فى التفاصيل بشدة كان أول سؤال طرحته "مروة حسين" فور الولادة، وتقول لـ"اليوم السابع" "فى الولادتين كان عندى نفس السؤال ومش هغيره لو ربنا كرمنى وولدت تانى" وعن السبب تقول "بشوف إن البيبى المولود بشعر بيبقى زى القمر عشان كده دا دايمًا سؤالى".جوزى فين ؟
"أشرف فين" كان هذا السؤال الأول الذى طرحته "هبة رفاعى" فور ولادتها، ثم ألحقته بسؤال عن المولود وصحته وتقول "طبيعى اسأل على جوزى فى الأول لأنى بسأل عليه أول حد طول الوقت.أما الولد فسألت هو كويس وسليم؟ لأنى كنت خايفة زى أى أم بيبقى عندها هاجس وقلق طول فترة الحمل عن صحة طفلها، لأنها مهما تابعت عند الدكتور مش شايفاه قدام عينيها".
النونة شكلها إيه؟
أما أول سؤال طرحته "شهرزاد حمدى" فى كل مرة كان "النونة عاملة إيه وشكلها إيه" وتقول "أهم حاجة عندى يكونوا سلام معافين، وأول ما أفوق قوى من الولادة أقعد افتش فيهم، وفى صوابعهم وشعرهم وجسمهم".بنتى كويسة؟
نظرًا لأن ولادتها كانت صعبة ولأن حياة طفلتها كانت مهددة بالخطر، كان أول سؤال طرحته "إيمان الشرقاوى" هو "بنتى كويسة؟" وتقول "كنت والدة قبل الميعاد وجالى الطلق وبنتى عملت حمام فى بطنى، فكانت حياتها فى خطر وكان ممكن لا قدر الله يحصلها نقص أكسجين ويأثر على صحتها، فأول ما فقت من البنج والدكتور قالى حمدًا لله على السلامة قلتله بنتى كويسة؟ وبدأت اسأل الممرضات على وزنها وصحتها وطلبت أشوفها".ولد ولا بنت؟
رغم أن السونار أكد لها أن المولود فتاة كان سؤال "سلمى جاد" الأول هو "ولد ولا بنت" وتقول "آه كنت عارفة إنه بنت بس كان نفسى فى ولد"، وبعدها سألت "هى سليمة ولا فيها حاجة؟ لأنى كنت قلقانة جدًا يكون فيها حاجة".متأكد إنه ابننا ولا حد بدله؟
تقول "هبة القاضى" "أنا سألت سؤال عادى خالص، بصيت لجوزى وقلتله البيبى كويس؟ قالى آه قلت له شبه مين؟ قال لى شبهى.. قلت له متأكد ولا حد بدله؟ أنا سألت فى الحقيقة عشان كان نفسى يبقى شبه جوزى".ابنى فين؟
هاجس تبديل الطفل نفسه راود "أمل على" وهو ما جعل سؤالها الأول "فين مالك؟ عايزة أشوفه"، وتقول "كنت عارفة إنه ولد ومختارة الاسم وكنت خايفة إنه يتبدل فى المستشفى لأنى ما شفتوش فسألت أهلى متأكدين إنه هو؟ وكلهم ضحكوا".
موضوعات متعلقة..
البنج برىء.. أشهر الخرافات عن تخدير الولادة.. مبيجبش صداع من الهوا.. حقنة الضهر مبتسببش شلل.. والعمود الفقرى مش هيجرى له حاجة.. والبنج النصفى مبيبوظش الضهر.. ولو اتعرضتى لمشكلات اعرفى السبب الحقيقىبنج كلى ولا نصفى؟.. تاريخك المرضى يحدد طريقة تخديرك أثناء الولادة
