المصريون يروون المواقف الساخرة فى إيفنت "موقف حصلك فى المواصلات"

يتعرض المصريون إلى مواقف ساخرة كثيرًا فى كل الأماكن والمناسبات لا يكفّون عن روايتها فيما بعد، وبطبيعة المصريين التى تتميز بالفكاهة دائمًا، فإن هناك الكثير من المواقف المضحكة تحدث لهم فى كل مكان يذهبون إليه؛ ربما هذا هو السبب الذى دفع البعض إلى تدشين "ايفنت" على موقع التواصل الاجتماعى "فيس بوك" لرواية ما حدث لهم من مواقف متنوعة فى المواصلات.

وتسارع الشباب والفتيات لرواية المواقف التى حدثت لهم فى المواصلات، حيث قالت هدير"مواقف المواصلات مبتخلصش بس اكتر موقف ضايقني ومنستهوش إني كنت فى سنة أولى كليه وجايبة لبس كتير للجامعة وأنا راكبة الاتوبيس كان واقف ورايه واحد وأنا بنزل كان فى إيده سجاره راح لسعنى بيها، سبت كل حاجة وفضلت اتخانق معاه"، بينما قال أحمد "كنت رايح الامتحان وصاحي متأخر وفاضل ربع ساعة وقفت تاكسي قولتله هتوديني عند مودرن أكاديمي قالي هاخد 100 قولتله كتير بيقولي أنت خارج من الرحاب وبتفاصل، وصلنا اديتله 50 جنيه شد هاند العربية وجاب الكوربك من الدواسة وقالى أنا هوديك العمليات مش الامتحان قعدت أجرى حوالين العربية لحد أما المواطنين اتدخلوا واديتلو 70 بس".

واستمرت رواية المواقف من قِبل الشباب والفتيات، حيث قالت بسمة "راكبة ميكروباص وراحه مشواري فأنا راكبه في الكرسي اللي جنب السواق، هو كرسي لنفر واحد فقط يعني هدفع أجرة لنفر واحد أتفاجئ إن السواق يشوار بايده ليا اتنين، قلتله ليه هو كرسي واحد بس اللي انا اعده عليه قالي لا مهو اللي بيعد ع كرسي ده بيدفع اتنين انا بستغرب قلتله نعم ليه يعني قالي تتدفعي للسواق"، فيما قال احدى المشاركات "هو التوك توك ميعتبرش مواصلة بس مرة كنا فى الشتاء و طبعا اسكندرية بتبقي متبهدله أوي فى الشتاء كنت رايحة الدرس و طبعا الدنيا كلها طينه ف قولت اركب توك توك فلقيت السواق بيقولي هو أنتي سقعانة، فهزيت رأسي عادي يعني بمعني اه، لقيته قالي والله لو كان ينفع كنت اخدتك ف حضني ودفيتك".


وقالت أميرة "كنا راكبين تكسي انا وصحابي وكنا مخنوقين اوي
لقينا الراجل شغل اركب الحنتور، روحنا قعدنا نغني ونرقص ونهيص وبعدين قولناله شغلنا فرتكه فرتكه وقعدنا نزغرط والناس تتفرج علينا".

موضوعات متعلقة..

مش مرتبط ليه؟ سؤال يتصدر "تويتر".. والبنات تكتسحه ويؤكدن: "بلا هم"