بالفيديو والكلمات..أغنية "لسه فى كمان" تقترب من نصف مليون مشاهدة بعد 48ساعة

استطاعت أغنية "لسه فى كمان" لحسن الشافعى وشادى أحمد أن تحقق نجاحا ملحوظا بمجرد طرحها على موقع الفيديو الشهير اليوتيوب، حيث اقتربت نسبة مشاهدة الأغنية من نصف مليون مشاهدة بعد يومين من نشرها.

الأغنية لحن وتوزيع حسن الشافعى وتأليف منة عادلى وتقول كلمات الأغنية:

مزيكا في كل حاجة
طايرة بيا السعادة
تايه في اللحظة عايش كل beat جديد

سايب نفسي تماما
هرقص دلوقتي حالاً
هرفع إيدي وهشاور للدنيا من بعيد

مش عايز حاجة تانية
اللحظة دي بالدنيا
واقف على الأرض لكن حاسس إني بطير

هعمل كل الحاجات
اللي قالو زمانها فات
لسة ع الساعة بدري لسة أنا عندي كتير

لسة في كمان كمان

سامع صوت الاغاني
بيقسّم علشاني
بيلف تراك حياتي بيبدأ من جديد
هكتب مليون بداية
للقصة اللي معايا
وهغير لسه فيها وهرجع تاني وأعيد

هلف كل يوم
بإيديا ع النجوم
كل أما هوصل هحلم وأقول لفة كمان

لفة عشان التاريخ
لفة لحد المريخ
فاتح للدنيا إيدي هاتي وماتخليش

لسة في كمان كمان

يشار إلى أن حسن الشافعى قدم من قبل أغنية "مايستهلوشى" مع "أبلة فاهيتا"، وحققت الأغنية نجاحا كبيرا خاصة على مواقع التواصل الاجتماعى، وبلغت نسبة مشاهدتها على موقع اليوتيوب و13 ونصف مليون مشاهدة.

موضوعات متعلقة..

- الموزع حسن الشافعى.. استثمر تعاونه مع عمرو دياب فأصبح نجمًا