فى شارعنا واحد فقير
لما يصحا من نومه يقول:
يارب يامعين
كل همه لقمة العيش
لو لقاها على طول يصيح
ومن كتر فرحه
ناقصة انه يطير
اصل ظروفه صعبة
ومحتاج لحكمة وتدبير
من الناس الطيبين
فى شارعنا
واحد مجروح
كل جسمه مليان قروح
بقاله سنين على دى الحال
وهو مطروح
محتاج لحكمة وتدبير
من الناس الطيبين
فى شارعنا
انسان محتاج للى يراعيه
ويخبط الباب
ويطمن عليه
فى شارعنا كام فقير وفقير
محتاج نمد ايدينا اليه
فقير - صورة أرشيفية
