قال سمير: "بنلعب تحت ضغوط كبيرة جداً، ومافيش لاعب بيتكلم ولا مقصر، وبنعمل اللى علينا وماحدش مقدر، والجمهور بيشتم اللاعبين..طيب على أيه؟..واللاعبين دول استطاعوا الصعود بالفريق من المركز الـ 14 للمركز الثالث بفرق 6 نقاط، من غير ما يحصلوا على جنيه واحد، لكن ماحدش اتكلم علشان كيان الإسماعيلى".
أضاف أحمد سمير، خلال تصريحاته لبرنامج "مساء الأنوار" : "أنا عارف بعد كلامى هيخصموا منى 25% وهتغرم، رغم أننا مش بناخد فلوس اصلاً، لكن أنا عندى مشاكل كتير برة الملعب، وحاولت اتكلم مع رئيس النادى لكنه لم يرد على اتصالاتى..ولاعبى الإسماعيلى بيستلفوا فلوس من بعض علشان يمشوا نفسهم، وفى منهم بيركن عربيته وبيجى مع أى حد علشان مش قادر يجيب بنزين لعربيته".
أردف: "كان مدرج فى عقدى أن لو لعبت أمام الزمالك هيتخصم منى فلوس، ورئيس الإسماعيلى كلمنى وقالى ألعب مالكش دعوة أنا هتكفل بكل حاجة، ومن ساعتها ماسمعتش صوته ولا شفته..المفروض رئيس النادى يجيى يقعد معانا ويشوف مشاكلنا، لكن فى تجاهل غير طبيعى، واللي مضايقنى أنى اتفقت على حاجة ولقيت عكسها، واللاعيبة تعبانة نفسياً".
موضوعات متعلقة..
أخبار نادى الإسماعيلى اليوم الثلاثاء.. 25 ألف جنيه غرامة للمُتمردين
