عجبى على ناس صاحبتهم وسنين عاشرتهم
واكلين عش وملح وكنت شايل همهم
عايش معاهم فى حزنهم قبل فرحهم
ومن ورا ظهرى جات الطعنة من قلبهم
أتارى الغدر طبع فيهم والخيانة ف دمهم
واه يا دنيا غدارة ما ليكى امان
خليتى ناس ملهاش تمن ليها مكان
تتحكم فى قلوب البشر من غير ميزان
وخليتى الاصيل يعانى من الحرمان
بعد ما كان عالى فى السما ومن الحياه شبعان
نزل لسابع ارض وخليته إنسان جعان
وأنت يا هم خليت الواحد كبر قبل الاوان
خليت الشاب كهل وبقى عنده هذيان
ويا ريتك سيبنا دا أنت ملازمنا فى كل مكان
وكل ما نفرح شويه ترجعنا للأحزان
وكل ما نفكر نعيش ونحاول النسيان
ترجعنا للمر وتخلى الواحد تعبان
أصدقاء - أرشيفية
