أحمد الغرباوى يكتب:غَيْم حُبّ.. ليه غَدر..؟

الخميس، 19 مايو 2016 12:00 ص

شخص مكتئب - أرشيفية

اضف تعليقاً واقرأ تعليقات القراء

فى الشِتا بِتهرب..
ليه يا حُبّ مِش
مِش عاوز
تِدوق طَعم الــ
مَطر..؟

لا إنتّ
مِنه مِدّارى..؟
ولا بالدّفا
صقيع قلبى
اِستتر..!
،،،،،،
هِىّ الريح بتمرجح
فرع عَ الــ
شَجر..؟

واللا الحِرمان
اِتشققت كعوبه وهوّه
بيدوّر على حَنان
وفى نَخس الزَمان
جَبر..!
،،،،،
هِىّ دِى الأيّام
على شِويّة ورق
بنكتبها أحلام
ويبعترها حُبّ..
هوّ فصول عام
ليه..
ليه غَدا خَريف
مَرَر..!

وغُصن قلب
كان مِتخضّر بِحبّى
لمّا غَنّى على ضىّ
قَمر..!

وإنتّ فُراق سَحر..!
ضلمة وسواد
جوّاها شجن..!
بِعشقى ليه..
ليه غَسق غَيْمك
غَدر..؟
غَدر..؟

*****