ريهام سعيد: أشكر تليفزيون النهار لأنه احترم الرأى العام

أكدت الإعلامية ريهام سعيد، أن الإعلام خطير جدًا فى تهديد الأمن القومى وتشكيل أذهان وأخلاق الناس، موضحة أنها بدأت العمل فى مجال الإعلام من أجل حبها فى هذا العمل، مضيفة: "وربنا وفقنا فى اللى إحنا بنعمله وكل حاجة جت بالصدفة، لغاية ما جه اليوم المشئوم".

وأضافت ريهام سعيد خلال برنامج "صبايا الخير"، الذى يعرض على شاشة النهار: "ناس كتير ماكنتش بتتكلم عن أى حد غيرى، كأنى أكتر واحدة عملت جرم فى البلد دى، مع أنى قضيت 14 سنة من عمرى مابعملش غير كل حاجة حلوة للبلد دى، وهذا ليس تفضلاً، ولكنه واجب، والإنجازات التى قمنا بها خلال 14 سنة وعرضنا نفسنا للخطر واستحملنا ما قيل فى حقنا ولكن كان لدينا يقين إننا بنعمل لربنا وبس".

وتابعت: "لازم نكون اتعملنا إن الدنيا دى ولا حاجة، وماكنش ينفع أعتذر علشان أكل عيش، كان لازم أعمل حاجة وأنا مقتنعة بيها، والفارق بين الاعتذار الآن والاعتذار قبل ذلك، أن الاعتذار قبل ذلك كان على جرم قمت به، وهذا غير حقيقى، ولا أساس له من الصحة لا من قريب أو بعيد".

وأكدت ريهام سعيد، "النهاردة باعتذر علشان فيه بعض من جمهورى كنت عند حسن ظنه وفقدته، وباعتذر عن أى إزعاج ولكن لا أعتذر عن الواقعة التى اتهمت بها علشان ماعملتهاش".

وقدمت الإعلامية ريهام سعيد الشكر لتليفزيون النهار، قائلة: "أشكر تليفزيون النهار لأنه احترم الرأى العام، ولأنه عارف يعدل احترام جمهوره وفى نفس الوقت يحافظ على أولاده اللى ابتدوا مع النهار من الأول، بعتذرلكوا وأرجو أن أكون عند حسن ظنكم دائمًا".

موضوعات متعلقة:

- بعد الاعتذار والبراءة.. ريهام سعيد تقدم حلقة خاصة مع فتاة المول..اليوم