تعرف على فتوى سلفية تحرم وضع الفتاة صورتها على "فيس بوك"

أفتى حسام عبد العزيز الداعية السلفى وضع الفتاة صورتها على مواقع التواصل الاجتماعى.

جاءت فتوى "عبد العزيز" ردا على سؤال نصه "ما حكم أن تضع الفتاة صورتها على مواقع التواصل الاجتماعى وان كانت محجبة، مع العلم انها ليست صورة واحدة بل صور كثيرة فى هيئات مختلفة".

وأجاب "عبد العزيز" المعروف بقوة داخل التيار السلفى قائلا: "بصوا يا جماعة أنا دائما بحب الإجابات الواقعية، ما ينفعش أقول لكم ما دام بكامل حجابها يبقى لا حرج، بينما الواقع بيقول أن الأخوات بيعملوا فوتوسيشن قاعدة ونايمة ومائلة وواقفة وحاطة رجل على رجل وفارشة فستانها فى أرضيات مساجد مصر القديمة ولابسة تاج وواخدة كلوز بالكاميرا على عينيها أو وجهها كله وساعات متمكيجة".

وأضاف "عبد العزيز" فى فتواه المنشورة على موقع التواصل الاجتماعى "فيس بوم": "اللى بيحصل ده مش صح تماما، الإسلام اللى حرم على المرأة تضرب برجلها أو تحط عطر نفاذ يشمه الرجال الأجانب، تفتكر يرضى بالتهريج ده؟! النبى يشوف شابة وضيئة الوجه يقوم يحول وجه ابن عمه عنها عشان نظر لها، وإحنا الواحدة تنشر صورتها وهى عارفة أن اللى كتير ده غير فتح الباب لتعليقات التحرش بستار شرعى زى، ربنا يحفظك، ما شاء الله عليكى، ربنا يثبتك على الحجاب".

موضوعات متعلقة..

- ممكن تسأل اللى جاى يخطب بنتك مرتبه كام..آخر فتاوى ياسر برهامى