هنتفرج عليه فى رمضان.. ردود مصرية على أفورة ظهور الشيطان فىThe Conjuring 2

لا شك أن فيلم The Conjuring 2 هو أحد أفضل أفلام الرعب التى صنعت خلال الفترة الأخيرة، وأضيف إلى جودته حالة الجدل التى أثيرت عقب إعلان عدد من المواقع الإخبارية العالمية الكبرى مثل "ديلى ميل" عن وفاة مواطن هندى أثناء مشاهدة الفيلم ثم الإعلان عن اختفاء جثته، وبالتأكيد عشاق الأفورة لم يتركوا الفرصة تمر دون أن يضعوا لها لمستهم الخاصة ويشاركوا فيها بطريقتهم.

عشاق الأفورة لم يجدوا أفضل من مواقع التواصل الاجتماعى للترويج لبضاعتهم، حديث عن استخدام أصوات حقيقية للجن، بل صور حقيقية له أيضًا، وتاكيدات بأن هناك جانبًا كبيرًا من المشاهد الخيالية التقطتها كاميرات المصورين من أرض الواقع.

هذه المادة الخصبة من الأفورة أثارت سخرية الجانب الآخر، الذى أطلق حفلة "قلش"، فى رد عنيف من شاب يدعى إسلام محمد، على صفحة "شوارع أمريكا" صاحبة أكبر "بوست" يحمل قدر من الأفورة كتب: شوفلنا يابنى سينما فاتحة فى رمضان عشان نروح.. قولى ليه، عشان العفاريت فى رمضان مش هتعرف تلبسنا خليك ذكى.

أما وليد سمير، فكتب تعليق حاز وحده على أكثر من 3 آلاف إعجاب، وجاء نصه كالآتى: "عارف أنا سمعت إن الشيطان مثل معاهم بس اختلفوا على الأجر فحذفولوا بعض المشاهد، وهو أصلاً بطل الفيلم بس المخرج ضحك عليه وخلاه يعمل أصوات بس وفى الآخر حذفله كل لقطاته وخلى صوته بس، على فكرة يا جماعة الشياطين طماعين وبيطلبوا أكتر من حقهم مش زينا إحنا البشر طيبين وبنرضى بقليله".

وتابع رواد مواقع التواصل الاجتماعى حفلة "القلش" الجماعى على فيلم الرعب، ورفعوا شعارات مثل "إحنا نتفرج على الفيلم لو محصلش حاجة نقول الحمد لله.. لو اتلبسنا.. يبقى على الدنيا السلانكاتيه"، وتابع حساب باسم أحمد حمادة: "والله العظيم كنت بتفرج عليه إمبارح الساعة ٣ الفجر ولوحدى والشقة كانت ضلمة كحل وزى القرد قدامك أهو ولا مت ولا اتلبست.. إحنا كمصريين نلبس الجن مش الجن اللى يلبسنا".

بنت قعدوا يقرأون عليها بعد ما شافت فيلم The Conjuring 2 😭😱 pic.twitter.com/o3QugLmaQn

— S3. (@sbm0_) June 18, 2016

موضوعات متعلقة:

- الشرطة تحقق فى اختفاء جثة مسن هندى توفى أثناء مشاهدة فيلم الرعب "The Conjuring 2"