صفى النية بسرعة أوام
قبل ما تنوى صيام وقيام
قبل ما تبدأ شهر كريم
صفى خلاف أو أى خصام
..................................
مدفع رج الدنيا وسمّع
تمر ياميش والكل اتجمّع
ويا صلاتنا وف التراويح
داب القلب بدعوة ودمّع
..................................
ليل ب ينور م الفوانيس
زينة ف حارة م القصاقيص
أيام طاعة وفيها الخير
ربى حماها م الأباليس
..................................
عايش علشان متعة وشهوة
ناسى الآخرة ودنياك تهوى
رمضان بيضاعف حسناتك
توب الموت بيشوط على سهوة
..................................
وسط العتمة بنلقى البدر
جاى الشهر بليلة القدر
نتعب حبة نلقى محبة
نرضى الله وننول الستر
................................
ريحة الجنة معاه بتفوح
تمّلى الدنيا تغذى الروح
يا رمضان شهر القرآن
اوعاك مننا تانى تروح
................................
كحك العيد ويا القراقيش
ولمة عيلة بالمناقيش
فرحة نودع بيها صيامنا
وذكرى جميلة معاك بتعيش
مدفع رمضان
