شن نشطاء "فيس بوك" هجوما حادا على الصفحة الرسمية لنادى ستوك سيتى الإنجليزى، بمجرد إعلان مارك هيوز، المدير الفنى لنادى ستوك سيتى، استبعاد اللاعب المصرى رمضان صبحي من قائمة مباراة ميدلسبره، فى أولى مباريات الموسم الجديد من الدورى الإنجليزى.
وتنوعت تعليقات المصريين على صفحة ستوك ما بين الغضب والسخرية، حيث قال أحمد ميدو: "فين رمضان يامارك هيوز، أنت من أولها كدة، طب وربنا ما هتفرج على الماتش، نحن نعترض"، وقال فوزى: "فين رمضان ياجدعان بدل ما نيجى نفركش اللعب النهاردة، اللهم بلغت".
وقال حمدى: "أبو التفانين فين يا جدعان يا رب تخسروا لو ملعبش الماتش الجاى"، وقال أحمد الوتار: "ده أنا أعملكو بلوك لو ملعبتوش رمضان، لا فى التشكيلة ولا فى الاحتياطى، وربنا ما ينفع الكلام ده".
وتعاقد ستوك سيتى مع رمضان صبحي لمدة 4 سنوات خلال فترة الانتقالات الصيفية الحالية، قادماً من النادى الأهلي، فى صفقة كلفت خزينة النادى الإنجليزى نحو خمسة ملايين جنيه إسترلينى.
