أعرب خالد حنفى وزير التموين، عن استيائه لما تم ترويجه عن إنفاقه 7 ملايين جنيه نظير إقامته بأحد فنادق القاهرة، مضيفاً:"لم أفكر فى الاستقالة من منصبى لأن ما قيل مجرد شائعات، وتلقيت ردود أفعال إيجابية بعد ما أثير حولى أمس من المواطنين فى الشارع".
وقال الوزير فى مداخلة هاتفية مع الإعلامى أحمد موسى، ببرنامج "على مسئوليتى"، :" أنا حر أعمل اللى أنا عاوزه فى أموالى الخاصة، وكل واحد ليه مزاج فى صرفها.. دى حاجات شخصية ومش من حق حد يناقشنى فيها وعلى الهواء.. بدفع كتير من فلوس أسرتى وولادى نظير الإقامة، لأن هذه هى الطريقة الوحيدة التى يمكن من خلالها أن أؤدى عملى من أجل المواطنين.. ويحسب لى أننى لم استغل منصبى فى فتح أبواب أخرى للإقامة".
وتعجب وزير التموين، مما أثير حول إقامته، قائلاً :"أقيم بسميراميس منذ 30 شهر، فهل يمكن تخيل أن الدولة بتدفع فلوس ومش واخده بالها!.. أنا بتحمل كتير.. وكفاية الافتراء والقيود فى حياتنا اليومية.. أنا بضحى بحاجات كتير ماديا ومعنويا واجتماعيا، وأعمل بما يرضى الله".
وأضاف "الوزارة لا توفر لى استراحة أو بدل إقامة أو مكان، وكان من الممكن فى ظروف آخرى أن استغل منصبى وأخذ مقر إقامة من أحد الشركات أو الهيئات أو الجهات، ولكننى تحملت على نفسى تكاليف الإقامة بمكان قريب من الوزارة، وأقمت فى سميراميس لأنه لا يمكننى شراء بيت فى القاهرة".
وتابع "لا يليق أن يخرج الإعلامى وعضو البرلمان مصطفى بكرى، ويصر على أن يبث أراء ويدعى أنها حقائق وأسرار غير حقيقة، وما حدث أضر بى وأسرتى، كما أن بعض النواب أدعى أننى لا احمل الدكتوراة"، موضحًا أن ما يواجهه يمثل حملة إحباط ممنهجة لكل من يحاول أن يصلح أو يغير، ولكل من يحاول أن يضحى بأشياء كثيرة تقدم للبلد.
واستطرد قائلاً : "أنا مستاء على المستوى الإنسانى، ومتضرر من إقحام أمور شخصية إلى هذا الحد، وأن أقول أننى بدفع فاتورتى، وهذا أمر بديهى وطبيعى جدا، فالدولة التى أعمل لحسابها لن تقبل أن يدفع أحد فاتورتى".
وزير التموين عن إقامته بسميراميس: فلوسى وأنا حر... by youm7
وزير التموين عن إقامته بسميراميس: فلوسى وأنا حر... by youm7
وزير التموين عن إقامته بسميراميس: فلوسى وأنا حر... by youm7
.jpg)
عدد الردود 0
بواسطة:
osama
دعوة الرئيس
انتم تقيموا في فنادق واحنا اللي مفروض نصبح علي مصر
عدد الردود 0
بواسطة:
محمد
سؤال بسيط.
هو انت مرتبك هيكفي.ولا هتكمل من فلوسك الخاصة..وطب ولو هتصرف من فلوسك الخاصة ايه الفائدة ال هتعود عليك من الوظيفه المرتب....ال اختشوا ماتوا..وصبح صبح يا عم الحاج
عدد الردود 0
بواسطة:
Wafaa Omaraa
عن وزير التموين
بجد بدل ماتجيبوا لشعب مصر سكتة قلبية ياتري المبلغ دا يكفي كم أسرة متوسطة الحال وكم أسرة فقيرة وتيجي الدولة وتقول لازم نجوع علشان نسدد ديون مصر بجد حرام تقهروا الشعب أكتر من كدا هو لازم إحنا بس اللي ندفع الضريبة ومستكترين علي الشعب كل حاجة حتي الهواء النظيف اتحرمنا منه من كتر مابنشم الزباله وعلي فكرة انا في حي راقي بس مصر بقت كلها مزبله لا أحد يشيل الزباله ولا يرشوا الشوارع وندفع فلوس علي فاتورة الكهرباء واول شهرين بس اللي كانت لحمة الجيش رخيصة وبعدها رفعوا الأسعار وبالتالي الجزارين رفعوا الأسعار وكل يوم يهل علينا أسوء من اللي قابله أن ضاع العدل فأنتظروا الساعة
عدد الردود 0
بواسطة:
عبد الله
وزير محترم وشفاف
ربنا يبارك فيه ويعطيله كمان وكمان
عدد الردود 0
بواسطة:
سعيد
نواب البرلمان ليسوا فوق الحكومة
مجلس النواب يحاسب الحكومة وبجانب الاجهزة الرقابية والنيابة العامة فى حالة الاتهام ولكن من الدى يحاسب نواب البرلمان ونحن نسمع كل يوم عن من سافروا بدون ادن للقاء منظمات مشبوهه مثل النائب السادات وشلته والنائب شرشر المتهم ببث فيديوهات جنسية والنائب مرتضى منصور اللى ماسك لنا الجزمة والنائبة اللى دخلت القسم لتخليص ابن اختها المحتجز بتهم اعتداء والنائب السابق عكاشة اللى افتكر نفسه رئيس حمهورية وهاجم الوزراء وبصبص ل الوزيرات وهاهو بكرى بيه حبيب صدام والقدافى وبشار فهو استاد ورئيس قسم ياكل وبشرب على كل الموائد ويبتز او يداهن من فى السلطة من ايام مبارك حتى الان وخصوصا ان المجلس لم يعد سيد قراره فليعلم الجميع ان هناك شعب خاض ثورتين ويرحو ان تختفى هده الوجوه القميئة من المشهد
عدد الردود 0
بواسطة:
عمار يا مصر
7 مليون ومش عارف تشترى بيت في القاهرة ؟؟؟
7 مليون ومش عارف تشترى بيت في القاهرة ؟؟؟
عدد الردود 0
بواسطة:
Mostafa
شركة علوم الطيران
الشركة ده مسؤولة عن اصدار بطاقات التموين وقعدت اكثر من 14 شهر مستني اخد بطاقتي وكل شهر لازم اخد اجازة ومصروف عشان اسأل علي حاجتي لغاية ما للموظف قالي ادفع 10 جنيه في البنك الاستعجال الاصدار وفوجئت وذهلت ان الجوالة موجهة الشركة المذكورة . يعني بدل ما البلد تفرض عقوبات لتاخر الشركة في اصدار البطاقات نروح نزود فلوسها ؟؟؟
عدد الردود 0
بواسطة:
Zaka
الدمعة هتفر
محنا هبل........سير ميهمكش.......حد فاهم....وعارف...ام الى يزعلك.
عدد الردود 0
بواسطة:
adelahmed
يعنى كده مفيش فى مصر اى اجهزة رقابية
الكلام ده معناه ان مصر مفيهاش اى اجهزة رقابية اذا كانت المصادفة ان صحفى يفضح الموضوع يبقى المخفى كان اعظم طيب وبعدين يعنى فالحين بس تحميل الغلابة وسايبين كل حاجة سايبة وخربانة يا جماعة ده لو ماكانش فيه لجنة للقمح نزلت تشوف كانت برضه هتكون خربانه وبتتسرق يا مصر انتى بتتسرقى والناس واقفة تتفرج ومنتظرين الصدفة والله حرام عليكم وان شاء الله هتتحاسبو من عند ربنا
عدد الردود 0
بواسطة:
ياسين
فلوس حضرتك منين
يا ريت بس نعرف وزير التموين المعتبر اللي قاعد سنتين جاب فلوسه اللي بيقول عليها منين و هو كان شغال ايه بالظبط قبل ما يبقي وزير حسبي الله و نعم الوكيل