طلعت البحيرة اللى فيها السمك
بيلعب مزقطط بداخل الشبك
ينادى علينا فى صبح النسيم
وآه لمّا يعرف أكيد يرتبك
******
لقيت سمكة ترغى بكل العجب
بتشخط وتنطر وعاملة شغب
وباين عليها بتفهم بجد
بأن الصوانى عذاب واقترب
******
ندهت عليها فقالت كفاية
أكلتم جدودى لحد السفاية
محمّر ومشوى وكان الألم
ياريت حد يرحم ويسمع ندايا
*******
وياما عانينا فى علب الفسيخ
تعدّى المواسم ونصبح تاريخ
فقلت المقدّر وليه تهربى
فقالت رضينا أوامرك ياشيخ
*******
رجاء ترحموهم جميع الصغار
ياناس وفروها لزنقة نهار
هتكبر تكفّى عليوه وعلى
وسوسو وميمى وهانى ومنار
********
أتمنى قرار بتجريم صيد السمك والجمبرى الصغير
والصيد فى موسم التزاوج
عدد الردود 0
بواسطة:
عبد الله السيد
جميلة جدا
افكارك رائعة تذكرنا ب بيرم التونسى يمكن حد يقرأ من المسئولين
عدد الردود 0
بواسطة:
سماح المصرية
الله عليك
شاعر وبجد وتحمل فكر رائع هو ده الشعر