يعانى أهالى منطقة التأمين الصحى بمدينة بنها من الأكشاك المخالفة والتى تفترش الطرق مما تعرقل طريق المارة والسيارات، وما فيها من تجمعات للخارجين عن القانون، الذين يبيعون المخدرات علنا.
وأرسل القارئ أحمد زيدان استغاثة لمسئولى محافظة القليوبية للتصدى لمثل هذه المخالفات وتطهير المنطقة من التعديات وتيسير حركة المرور.
شاركونا فى تحرير المواد الصحفية بإرسال الصور والفيديوهات والأخبار الموثقة لنشرها بالموقع والجريدة المطبوعة، عبر خدمة "واتس آب اليوم السابع" برقم 01280003799، أو عبر البريد الإلكترونى send@youm7.com، أو عبر رسائل "فيس بوك"، على أن تُنْشَر الأخبار المُصَوَّرَة والفيديوهات باسم القُرّاء.
مخالفات بجوار منطقة مستشفيات
تعد الأكشاك على الطرق
عرقلة حركة المرور
مخالفات بجوار منظقة المستشفيات
رسالة القارئ
عدد الردود 0
بواسطة:
شريف الاتربي مدارس الرياض
اين هيبة الدولة
هذا المنظر في جميع محافظات مصر.
عدد الردود 0
بواسطة:
هبه
إنقذونا منهم
فعلا انا من بنها والكشك اللى بجوار مستشفى الجلدية هو أكثر من غرزة بيتباع فيه المخدرات والممنوعات علنا وأصحابه معروفين وبيمارسوا نشاطهم بمنتهى البجاحة ومحدش يقدر يبصلهم كأنهم عصابه ودا مكان أبوهم... كمان الاكشاك اللى بقت موجودة تحت الكوبرى العلوى الفاشل الجديد اللى اتعمل عند محطة القطار ويربط بين المنشيه وعزبة السوق والكوبرى بجد مشروع فاشل وتحته فى كميات بشر واكشاك مخلفه وبياعين جايبين سماعات صب كبيرة وشغاله طوووول اليوم وواخدين الطريق لحسابهم ومعلقين منتجاتهم على الكوبرى نفسه ومضيقين الطريق أكتر ماهو ضيق وأنا هحاول أصور الكلام دا وأبعته بس يريت حد يركز معانا شوية لأن سياده المحافظ مشاغله كتييير اوى وأهم من انه يهتم بالعاصمه بتاعه محافظته ( أهم حاجة مبنى المحافظة ومنطقه الفلل يكونوا ميت فل وعشرة عشان سيادته عنيه تشوف حاجات حلوة - إحنا ننحرق )
عدد الردود 0
بواسطة:
طرازان
كان ياماكان ....
كان ياماكان فى سالف العصر و الاوان ... الناس بتيجى من الارياف و تعمل فرشة متر × متر فى أى مكان ... و كان بيحوطها عدم الامان ... لان البلدية كانت شغاله و تشيلهم على عربية عم حسان ... ( حسان السواق علشان ما يكونش فيه لبس ) ... النهاردة بيجى بالكشك و البيبسى و الشيبسى كمان ... يختار له حتة فى أى شارع أو أى ميدان ... و بعد بكرة يبعت يجيب العيال و معاهم النسوان ... على فكرة عدد الاكشاك فى شوارع المحروسة أكتر من عدد المحلات
عدد الردود 0
بواسطة:
samy elsarawy
فكر فاشل بيطبق فى محافظه القليوبيه
انا من محافظه القليوبيه ووبالتحديد من قريه اجهور الكبرى. منذ فتره قصير حضر السيد المحافظ الى البلد لمناقشه مكامير الفحم التى بالقريه وتقتل البشر والزرع وتقضى على الحياه فى البلد. انتهت الزياره. ولم تسفر عن حل اى مشكله من المشاكل التى يعانى من الناس بل اسفرت عن قرار جديد بانشاء اكشاك فى مداخل القريه وغلق الطريق . وتشويه المنظر وايجاد مأوى رسمى تحت سمع وبصر المحافظه لتجار المخدرات والبلطجيه والخارجين عن القانون . والهدف فرض رسوم على هذه الأكشاك لزياده موارد المحافظه ؟؟؟؟!!!! ولاعزاء للمواطن المصرى فى بلده . اهالى القريه مترصدين هذه الاكشال وسيمنعوها دفاعا عن بلدتهم. هل هناك احد يقرأ ؟ او يتابع ؟ او يشعر بمشاكل المواطن المصرى ؟ لابد من تغيير جذرى فى المحليات ضرورى وشكرا